پریتی زینٹا نے خود کو’ ’کوویڈ 19 ٹیسٹ کی ملکہ‘‘ قرار دیدیا

جمعرات 22 اکتوبر 2020 12:16

ممبئی (اُردو پوائنٹ اخبارتازہ ترین - این این آئی۔ 22 اکتوبر2020ء) بالی ووڈ کی معروف اداکارہ پریتی زینٹا نے خود کو ’کوویڈ 19 ٹیسٹ کی ملکہ‘ قرار دے دیا، اٴْن کا کہنا ہے کہ وہ اب تک 20 مرتبہ کورونا وائرس کا ٹیسٹ کرواچکی ہیں۔پریتی زینٹا جو انڈین پریمیئر لیگ میں شامل ٹیم، کنگز الیون پنجاب کی شریک مالک بھی ہیں، ان دنوں آئی پی ایل کے حوالے سے دبئی میں موجود ہیں۔

یہاں انھیں بائیو ببل رولز کی پابندی کرتے ہوئے اس بات کو یقینی بنانا ہوتا ہے کہ جو کوئی بھی آئی پی ایل کا حصہ ہو وہ سب کے لیے محفوظ ہو۔

(جاری ہے)

اس پر عمل پیرا ہونے کے دوران پریتی نے اپنے ریگولر کورونا وائرس ٹیسٹ کی جھلکیاں شیئر کیں، اس قسم کے ٹیسٹ انھیں کچھ دنوں کے وقفے سے کروانا ہوتا ہے۔ انھوں نے اپنے ٹیسٹ کی ایک جھلک پوسٹ کی جس میں ایک میڈیکل اسٹاف ممبر، ان کی ناک سے سواب کا نمونہ لے رہی ہیں اور پریتی کہہ رہی ہیں کہ یہ حیرت انگیز ہے۔ انکے اس ویڈیو کے انسٹاگرام پر شیئر ہوتے ہی لوگوں کے کمنٹس آنا شروع ہوگئے۔ ایک صارف نے تحریر کیا، آپ نے یہ بہت آسانی سے ٹیسٹ کروالیا، میں نے پانچ مرتبہ کروایا جہاں طبی عملے نے سواب کو مزید ناک کے اندر دھکلیل دیا تھا۔