موبائل ڈیوائس مینو فیکچرننگ کیلئے ڈرافٹ ریگولیشنز ،آرتھورائزیشن ٹمپلٹ پر وسیع مشاورت ہونی چاہیے ‘ سید خان

جوائنٹ ونچر کیلئے بھی پالیسی لائی جائے،پاکستان بہت سی مارکیٹوں کو اپنی دسترس میںکرسکتا ہے‘ حکومت کو کھلا خط

منگل 3 نومبر 2020 12:25

لاہور(اُردو پوائنٹ اخبارتازہ ترین - این این آئی۔ 03 نومبر2020ء) پاکستان ٹیلی کمیونیکیشن اتھارٹی موبائل ڈیوائس مینو فیکچرننگ کیلئے ڈرافٹ ریگولیشنز اور آرتھورائزیشن ٹمپلٹ پر ایک دو اجلاسوں کی بجائے وسیع مشاورت کرے اور سامنے آنے والی تجاویز کو اہمیت دی جائے ، دوسرے ممالک سے جوائنٹ ونچر کی پالیسی مرتب کی جائے کیونکہ پاکستان بہت سی مارکیٹوں کو اپنی دستر س میں لانے کی صلاحیت رکھتا ہے۔

ان خیالات کا اظہار موبائل سیکٹر میں سرمایہ کاری کرنے والے سی ای او بیلکو ٹریڈنگ سید خان نے وزیرا عظم اور متعلقہ اداروں کے اپنے کھلے خط میں کیا ۔ انہوںنے کہاکہ پاکستان موبائل فونز کی درآمد پر سالانہ اربوں روپے خرچ کرتا ہے اور اگر پاکستان مقامی سطح پر مینو فیکچرننگ پر توجہ مرکوز کرے تو درآمدی بل میں کئی گنا کمی ہوسکتی ہے۔

(جاری ہے)

اس کے ساتھ ساتھ دنیا میںایسی بہت سے مارکیٹیں ہیں جہاں ہم اپنی مصنوعات کو متعارف کرا کے انہیں اپنی دسترس میںلا سکتے ہی۔

یاد رہے کہ حکومت نے پی ٹی اے نے پاکستان میں موبائل ڈیوائس مینو فیکچرننگ کے حوالے سے جاری کردہ حکومت پاکستان کی پالیسی کی روشنی میں ڈرافٹ ریگولیشنز اور آرتھورائزیشن ٹمپلٹ تیار کیا ہے مذکورہ ریگولیشنز اورآرتھورائزشن ٹمپلٹ کوحتمی شکل دینے کے لئے 5نومبرکودوپہر دوبجے سے چار بجے تک پی ٹی اے ہیڈ کوارٹر اسلام آباد میں عوامی مشاورت کافیصلہ کیا گیا ہے ۔