کر اچی پولیس کی شہر کے مختلف علاقوں میں مقابلے و دیگر کارروائیاں

موٹر سائیکل لفٹرز زخمی، ملزمان،ڈکیت،اسٹریٹ کرمنلزسمیت 24 ملزمان کو گرفتار

ہفتہ 7 نومبر 2020 22:47

کراچی(اُردو پوائنٹ اخبارتازہ ترین - آن لائن۔ 07 نومبر2020ء) پولیس نے شہر کے مختلف علاقوں میں مقابلوں و دیگر کارروائیوں کے دوران موٹر سائیکل لفٹرز۔ زخمی ملزمان۔ڈکیت۔اسٹریٹ کرمنلز۔منشیات وگٹکا فروشوں سمیت 24 ملزمان کو گرفتار کرکے اسلحہ۔منشیات۔مضر صحت گٹکا ماوا ودیگر سامان برآمد کرلیا۔ تفصیلات کے مطابق اسٹیل ٹائون پولیس نے مبینہ مقابلے کے بعد تین ملزمان اللہ ڈنو۔

جاوید اور علی محمد کو گرفتار کرکے اسلحہ ونقدی برآمد کرلی۔منگھوپیر پولیس نے ایرانی ڈیزل کی اسمگل ناکام بناتے ہوئے ملزم زاہد کو گرفتار کرکے ٹینکر نمبر ایل ایس اے 911 اور ہزاروں لیٹر ایرانی ڈیزل تحویل میں لے لیا۔ناظم آباد پولیس نے چار لفٹرز کو گرفتار کرکے اسلحہ اور چار مسروقہ موٹر سائیکلیں برآمد کرلیں۔

(جاری ہے)

کلری پولیس نے دو ملزمان قادر اور اسلم کو گرفتار کرکے گٹکا۔

تمباکو۔چونا ودیگر سامان برآمد کرلیا۔شارع فیصل انویسٹی گیشن پولیس نے ملزم سجاد مسیح کو گرفتار کرلیا۔جیکسن پولیس نے ملزم آدم ستی کو گرفتار کرکے شراب کی بوتل برآمد کرلی۔ پیرآباد پولیس نے ملزم باسط برکی کو گرفتار کرکے بڑی مقدار میں منشیات برآمد کرلی۔ عزیز بھٹی پولیس نے فائرنگ کے تبادلے کے بعد ملزم عبداللہ کو زخمی حالت میں گرفتار کرلیا۔

بوٹ بیسن شیریں جناح پولیس پوسٹ نے منشیات فروش شاہد کوگرفتار کرکے منشیات برآمد کرلی۔محمودآباد پولیس نے گٹکا فروش یاسر کو گرفتار کرکے گٹکا برآمد کرلیا۔ڈیفنس پولیس نے دو مختلف کارروائیوں کے دوران دو ملزمان طاہر اور جان زین کو گرفتار کرکے قبضے سے گٹکا ماوا برآمد کرلیا۔ڈیفنس پولیس نے دوسری کارروائی کے کے دوران فحاشی کے اڈے پر کارروائی کے دوران دو خواتین آسیہ۔ ارم۔دو ملزمان جہانگیر اور محمد حسین کو گرفتار کرکے مقدمہ درج کرلیا۔لانڈھی پولیس نے گٹکا فروش ذوالفقار کو گرفتار کرکے گٹکا برآمد کرلیا۔بلدیہ پولیس نے موٹر سائیکل لفٹنگ میں ملوث ملزم وقاص کو گرفتار کرکے چوری شدہ موٹر سائیکل برآمد کرلی۔#