دہشت کی علامت سمجھے جانے والے قبضہ مافیا منشا بم کے 4 بیٹوں کو گرفتارکرلیاگیا

منشا بم فرار ہونے میں کامیاب ہوگیا،ملزمان کے قبضہ سے جدید اسلحہ، برآمد،گاڑیاںبھی قبضہ میںلے لی گئیں

پیر نومبر 14:20

دہشت کی علامت سمجھے جانے والے قبضہ مافیا منشا بم کے 4 بیٹوں کو گرفتارکرلیاگیا
لاہور(اُردو پوائنٹ اخبارتازہ ترین - این این آئی۔ 16 نومبر2020ء) صوبائی دارالحکومت میں دہشت کی علامت سمجھے جانے والے قبضہ مافیا منشا بم کے 4 بیٹوں کو گرفتارکرلیاگیا جبکہ منشا بم فرار ہونے میں کامیاب ہوگیا،ملزمان کے قبضہ سے جدید اسلحہ، آٹو میٹک گنز اور پسٹلز برآمدکرلئے گئے جبکہ گاڑیاںبھی قبضہ میںلے لی گئیں۔

(جاری ہے)

تفصیلات کے مطابق سی سی پی او لاہور عمر شیخ نے اتوار کے روز کھلی کچہری کاانعقاد کیاتھا جس میں سائلین کی جانب سے زیادہ شکایات قبضہ مافیاکیخلاف تھیں ،سب سے زیادہ شکایات قبضہ مافیا کے سرغنہ منشا بم کیخلاف تھیں۔

سی سی پی او کی ہدایت پر پولیس نے کارروائی کرتے ہوئے منشا بم کے چاروں بیٹوں عامر منشا،عاصم منشا،طارق منشا اور فیصل منشا کو گرفتار کر لیا ہے ۔پولیس نے ملزموں کی گاڑیاں اورجدید اسلحہ قبضہ میں لے لیاجبکہ منشا بم خود فرار ہونے میں کامیاب ہو گیا۔پولیس کاکہناہے کہ منشا بم کیخلاف77 مقدمات درج ہیں۔