اسد قیصر سے افغان سفیر کی ملاقات ،خطے میں امن و امان کی صورتحال اور باہمی دلچسپی کے امورپر گفتگو

پارلیمانی سفارتکاری کے ذریعے پاکستان اور افغانستان کے مابین باہمی تعلقات کو فروغ دینے میں مدد ملے گی، اسد قیصر افغان سفیر کی پاک-افغان تجارت کی راہ میں حائل رکاؤٹوں کو دور کرنے میں اسپیکر قومی اسمبلی کے کردار کی تعریف دونوں ممالک کے مابین تجارت اور سرمایہ کاری کے شعبوں میں طویل المدتی معاہدوں کی مفاہمتی یاداشتوں پر دستخط ہونے سے تجارت اور سرمایہ کاری بڑھے گی، گفتگو

منگل نومبر 17:03

اسد قیصر سے افغان سفیر کی ملاقات ،خطے میں امن و امان کی صورتحال اور ..
اسلام آباد (اُردو پوائنٹ اخبارتازہ ترین - این این آئی۔ 24 نومبر2020ء) اسپیکر قومی اسمبلی اسد قیصر سے پاکستان میں تعینات افغانستان کے سفیر نجیب اللہ علی خیل نے ملاقات کی جس میں دو طرفہ تعلقات، خطے میں امن و امان کی صورتحال اور باہمی دلچسپی کے دیگرامور پر تبادلہ خیال کیا گیا ۔ اسد قیصر نے کہاکہ پاکستان اور افغانستان کے مابین تعلقات مذہب، اخوت، ثقافت اور ہمسائیگی کی مضبوط بنیادوں پر استوار ہیں، سرحد کی دونوں جانب کی عوام کے درمیان محبت اور باہمی احترام کا رشتہ پایا جاتا ہے۔

اسپیکرقومی اسمبلی نے کہاکہ پاکستان ایک پرامن ،مستحکم اورخوشحال افغانستان دیکھنے کا خواہاں ہے،پارلیمانی سفارتکاری کے ذریعے پاکستان اور افغانستان کے مابین باہمی تعلقات کو فروغ دینے میں مدد ملے گی۔

(جاری ہے)

انہوںنے کہاکہ پاکستان، افغانستان کے ساتھ معاشی، اقتصادی اور علاقائی ترقی کے لیے تعاون کو مزید فروغ دینا چاہتا ہے، پاکستان خطے میں امن کے قیام سمیت خطے کی ترقی اور خوشحالی کے لیے مل کر کام کرنا چاہتا ہے، افغان امن معاہدہ افغانستان اور خطے میں امن کے قیام اور ترقی میں ایک اہم سنگ میل کی حیثیت رکھتا ہے۔

اسپیکر قومی اسمبلی نے کہاہک پاک-افغان تجارت و سرمایہ کاری کے حوالے سے پاک-افغان فرینڈشپ گروپ کی ایگزیکٹو کمیٹی کی زیادہ تر سفارشات پر عملدرامد ھو چکا ہے ۔ انہوںنے کہاکہ وزیراعظم پاکستان عمران خان کا حالیہ دورہ دونوں ممالک کو مزید قریب لانے میں ایک اھم سنگ میل ہے۔ انہوںنے کہاکہ دونوں ممالک کے مابین تجارت اور سرمایہ کاری کے شعبوں میں طویل المدتی معاہدوں کی مفاہمتی یاداشتوں پر دستخط ہونے سے تجارت اور سرمایہ کاری بڑھے گی۔

نیب اللہ علی خیل نے کہاکہ افغانستان پاکستان کے ساتھ اپنے قریبی دوستانہ تعلقات کو بڑی اہمیت دیتاہے، افغانستان خطے میں امن کے قیام کے لیے پاکستان کی کاوشوں کو قدر کی نگاہ سے دیکھتا ہے، افغانستان پاکستان کے ساتھ اقتصادی و تجارتی شعبوں میں تعاون کو فروغ دینے کا خواں ہے۔افغان سفیر نے کہاکہ افغان عوام پاکستانی عوام کے ساتھ محبت اور خیر سگالی کے جذبات رکھتے ہیں ، دونوں ممالک کے مابین تجارت کے بہترین مواقع میسر ہیں جن سے استفادہ کیا جارہا ہے۔

انہوںنے کہاکہ دونوں ممالک کے مابین تعلقات کو مزید مستحکم بنانے میں پارلیمان اہم کردار ادا کر سکتا ہے۔افغان کے سفیر نجیب اللہ علی خیل نے پاک-افغان تجارت کی راہ میں حائل رکاؤٹوں کو دور کرنے میں اسپیکر قومی اسمبلی کے کردار کی تعریف کی ۔انہوںنے کہاکہ گزشتہ ماہ قومی اسمبلی کے زیر اہتمام ہونے والے پاک-افغان تجارت و سرمایہ کاری سیمینار کے دونوں ممالک کے تجارت و سرمایہ کاری پر دور رس نتائج برآمد ہونگے۔