کراچی، گلشن حدید میں خواتین کو ٹارگٹ کرکے پرس چھیننے والا ننھا ڈکیت پکرا گیا

بدھ نومبر 15:53

کراچی، گلشن حدید میں خواتین کو ٹارگٹ کرکے پرس چھیننے والا ننھا ڈکیت ..
کراچی (اُردو پوائنٹ اخبارتازہ ترین - این این آئی۔ 25 نومبر2020ء) گلشن حدید میں خواتین کو ٹارگٹ کرکے پرس چھینے والا ننھا ڈکیت پکرا گیا کراچی جبکہ پولیس نے چھاپہ مار کارروائیوں کے دوران 7 موٹرسائیکل لفٹرز لینڈ گریبر، منشیات فروش خاتون سمیت یگر جرائم ملوث40 ملزمان کو گرفتارکرکے قبضے سے اسلحہ،منشیات،مسروقہ موٹرسائیکلیں ودیگر سامان برآمد کرنے کا دعوی کیا۔

تفصیلات کے مطابق اینٹی وہیکل لفٹنگ سیل بلدیہ، بن قاسم، جمشید، کورنگی اور سٹی ڈویثرن نے کاررائیوں کے دوران 7 موٹرسائیکل لفٹرزقدیر،گل حسن،عمران،محمد علی، عزیزخان ، اسامہ اور فوزل کو گرفتارکرکے قبضے سے چوری شدہ 5 موٹرسائیکلیں برآمد کرلیں۔

(جاری ہے)

اسپیشل انویسٹی گیشن یونٹ ، سی آئی اے نے کارروائی کرتے ہوئے چار ڈکیت عبدالرزاق عرف جاوید عرف خان، شہریار،نثاربزمی اورساجد مسیح،ناظم آباد پولیس نے منشیات فروش قیصر شاہ،بغدادی پولیس نے دو منشیات فروش رفیق اور جاوید،ڈاکس پولیس نے منشیات فروش ملزمہ تسلیمہ اور عبدالرحمن ، سمن آباد پولیس نے موٹرسائیکل لفٹرزاور گٹکا فروش نذیر عرف عبدالرزاق اور نوید،گذری پولیس نے ملزم فراز عرف فیضی ، عوامی کالونی پولیس نے دو ملزمان وقار اور راشدگلستان جوہر پولیس نے چورملزم جون ،پی آئی بی پولیس نے دو ملزمان جمشید اور اجمل خان ،موچکو پولیس نے رکشہ میں سوار ملزم اسحاق، لانڈھی پولیس نے دو گٹکا فروش محمد اصغر اور قدید خان، ٹیپو سلطان پولیس نے گٹکا فروش محمد صالح ،اسٹیل ٹاون پولیس نے گلشن حدید میں چھاپہ مار کر خواتین سے پرس چھینے والے کم عمر ملزم عرفان کو ساتھی سمیت گرفتارکرکے اسلحہ برآمدکرلیا۔

متعلقہ عنوان :