مغلپورہ پولیس نے سوشل میڈیا پر ناجائز اسلحہ کی تصاویر اپ لوڈ کرنے والے ملزم کوگرفتار کرلیا

ْملزم احمد راشد سے 2 کالاشنکوف،1 ریپٹر رائفل اور نائب ایم ایم پسٹل اور درجنوں گولیاں برآمد

جمعرات 26 نومبر 2020 14:54

ٍلاہور(اُردو پوائنٹ اخبارتازہ ترین - این این آئی۔ 26 نومبر2020ء) مغلپورہ پولیس نے سوشل میڈیا پر ناجائز اسلحہ کی تصاویر اپ لوڈ کرنے والے ملزم احمد راشد کوگرفتار کرلیا ۔ ملزم کے قبضہ سے 2 کالاشنکوف،1 ریپٹر رائفل اور نائب ایم ایم پسٹل اور درجنوں گولیاں برآمد کی گئی ہیں۔

(جاری ہے)

ملزم نے چند روز قبل ناجائز اسلحہ کے ساتھ تصویریں بنا کر سوشل میڈیا پر وائرل کیں۔سی سی پی او محمد عمر شیخ نے ملزمان کی گرفتاری پر ایس پی سول لائنز رضا صفدر کاظمی کو شاباش دی ہے۔سی سی پی او نے کہا ہے کہ اسلحہ کی نمائش کے خلاف زیرو ٹالرنس پالیسی ہے، اسلحہ کی نمائش اور ہوائی فائرنگ کرنے والوں کیخلاف سخت کارروائی کی جائے، نقص امن اور قانون ہاتھ میں لینے والوں سے آڑے ہاتھوں نمٹا جائے۔