سندھ حکومت نے بازار رات 8 بجے تک کھلے رکھنے کی اجازت دے دی

مارکیٹس کی تنظیمیں، دکان مالکان اور شہری کورونا ایس او پیز کا خیال رکھیں، اور دکان پر جانے والے تمام افراد اور دکاندار ماسک کا استعمال یقینی بنائیں، مرتضیٰ وہاب کا ٹوئٹ

شہریار عباسی جمعرات 26 نومبر 2020 20:07

سندھ حکومت نے بازار رات 8 بجے تک کھلے رکھنے کی اجازت دے دی

کراچی (اُردو پوائنٹ اخبارتازہ ترین ۔ 26 نومبر2020ء) صوبہ سندھ میں تمام مارکیٹس اب رات 8 بجے تک کھلی رہیں گی ۔ تفصیلات کے مطابق ترجمان سندھ حکومت مرتضیٰ وہاب نے سماجی رابطوں کی ویب سائٹ ٹوئٹر پر جاری ایک پیغام میں کہا کہ ’’ سندھ میں اب سے مارکیٹیں رات 8 بجے تک کھلی رہیں گی ۔ مارکیٹس کی تنظیمیں، دکان مالکان اور شہری کورونا ایس او پیز کا خیال رکھیں، اور دکان پر جانے والے تمام افراد اور دکاندار ماسک کا استعمال یقینی بنائیں ‘‘۔

This is to inform that markets in #Sindh will remain open till 8 PM. It is again expected from the market associations, shop owners and citizens that due regard to SOPs shall be observed & everyone including the shopkeeper and visitor shall wear a mask
— Murtaza Wahab Siddiqui (@murtazawahab1) November 26, 2020

سندھ حکومت نے تاجروں کی جانب سے ہڑتال کی دھمکی کے بعد بازاروں کو 8 بجے تک کھولنے کا فیصلہ کیا ہے ۔ اس سے قبل تاجروں کی جانب سے سندھ حکومت کو 72 گھنٹے کا الٹی میٹم دیا گیا تھا، تاجر رہنماؤں کا کہنا تھا کہ مطالبات نہ مانے تو شٹر ڈاؤن ہوگا، پورے کراچی اور سندھ کا تاجر سڑکوں پر ہوگا۔

(جاری ہے)

واضح رہے کہ گزشتہ دنوں سندھ حکومت کی جانب سے مارکیٹیں اور دکانیں 6 بجے بند کرنے کا نوٹیفکیشن جاری کیا گیا تھا، محکمہ داخلہ سندھ کا کہنا تھا کہ مارکیٹیں جمعہ اور اتوار کو بند رہیں گی۔

جبکہ تاجروں نے دھمکی دی تھی کہ وہ جمعے کو دکانیں کھولیں گے، پہلے ہی کورونا کی وجہ سے ان کو شدید نقصان ہو چکا ہے، اب مزید نقصان نہیں برداشت کیا جائے گا ۔ اب سندھ حکومت نے تاجران کے مطالبات منظور کرتے ہوئے سندھ میں بازار 8 بجے تک کھلے رکھنے کی اجازت دے دی ہے، جبکہ جمعے کے دن بازار کھولنے کے حوالے سے کوئی خبر سامنے نہیں آئی ہے ۔

Facebook Twitter Google + Share on Whatsapp

سندھ حکومت نے بازار رات 8 بجے تک کھلے رکھنے کی اجازت دے دی

متعلقہ عنوان :

مزید اہم خبریں