وزیراعظم نے اپنی ٹیم کو آزاد کشمیر میں کام شروع کرنے کی ہدایت کردی

وزیر امور کشمیر اور گلگت بلتستان علی امین گنڈاپور کو آزاد کشمیر میں بھی متحرک کیا جائے گا

ہفتہ 28 نومبر 2020 17:29

وزیراعظم نے اپنی ٹیم کو آزاد کشمیر میں کام شروع کرنے کی ہدایت کردی

اسلام آباد (اُردو پوائنٹ اخبارتازہ ترین - این این آئی۔ 28 نومبر2020ء) وزیر اعظم عمران خان نے اپنی ٹیم کو آزادکشمیر میں فوری کام شروع کرنے کی ہدایت کردی۔وزیراعظم عمران خان کی زیر صدارت آزاد کشمیر کی صورتحال سے متعلق اجلاس ہوا، اجلاس میں وزیر اعظم نے آزاد کشمیر کے لیے بھی مضبوط ٹیم تشکیل دینے کا فیصلہ کیا ہے۔ذرائع کے مطابق وزیر امور کشمیر اور گلگت بلتستان علی امین گنڈاپور کو آزاد کشمیر میں بھی متحرک کیا جائے گا۔

آزاد کشمیر کے لیے سیاسی ٹیم میں وفاقی وزراء ، پی ٹی آئی کے مرکزی قائدین شامل ہوں گے۔ذرائع کے مطابق علی امین گنڈا پور، عامر کیانی، سیف اللّٰہ نیازی، بیرسٹر سلطان کو اہم اہداف دینے کا فیصلہ کیا گیا ہے۔ذرائع کے مطابق آزاد کشمیر کے ہر حلقے میں ہوم ورک کیا جائے گا، امیدواروں کی فہرستیں بھی مرتب ہوں گی۔

(جاری ہے)

اجلاس میں اتفاق کیا گیا کہ آزادکشمیر میں تحریک انصاف مضبوط حکومت بنائے گی۔

ذرائع کا کہنا ہے کہ علی امین گنڈا پور، عامر کیانی، سیف اللّٰہ نیازی، بیرسٹر سلطان کو اہم اہداف دینے کا فیصلہ کیا گیا ہے۔ذرائع کے مطابق آزاد کشمیر کے ہر حلقے میں ہوم ورک کیا جائے گا، امیدواروں کی فہرستیں بھی مرتب ہوں گی۔اجلاس میں اتفاق کیا گیا کہ آزادکشمیر میں تحریک انصاف مضبوط حکومت بنائے گی۔