بیگم شمیم اختر کی نماز جنازہ میں جیب تراشوں نے کئی افراد کی جیبوں کاصفایا کر دی

فوٹو گرافر سمیت بعض لوگوں کی جیبوں سے نقدی اورموبائل فون نکال لئے، ایک گرفتار ، ایک فرار

ہفتہ نومبر 19:29

بیگم شمیم اختر کی نماز جنازہ میں جیب تراشوں نے کئی افراد کی جیبوں کاصفایا ..
لاہور(اُردو پوائنٹ اخبارتازہ ترین - این این آئی۔ 28 نومبر2020ء) سابق وزیر اعظم محمد نواز شریف اور مسلم لیگ (ن) کے صدر شہباز شریف کی والدہ بیگم شمیم اختر کی نماز جنازہ کے موقع پر جیب کتروں نے فوٹو گرافر سمیت کئی لوگوں کی جیبوں کا صفایا کردیا ، ایک کوقابو کر لیا گیا جبکہ ایک فرار ہو گیا ۔

(جاری ہے)

بتایا گیا ہے کہ شریف برادران کی والدہ کی نماز جنازہ میں رش کا فائدہ اٹھاتے ہوئے جیب تراشوںنے وارداتیںکیں۔

نماز جنازہ کی کوریج کے لئے موجود قومی خبر رساں ادارے ’’ این این آئی ‘‘کے فوٹو گرافر عابد حسین اور نماز جنازہ میں شرکت کے لئے آنے والے کئی لوگوں کی جیبوں سے موبائل فون اور نقدی نکال لی گئی۔اس موقع پر ایک جیب تراش کو پکڑ کر درگت بنانے کے بعد رائے ونڈ پولیس کے حوالے کردیا گیا ۔ پکڑے گئے جیب تراش کے مطابق اس کا ایک ساتھی وہاں سے فرار ہو گیا ۔