ساؤتھ پنجاب گرلز والی بال انٹرڈسٹرکٹ اوپن لیگ ٹورنامنٹ رحیم یارخان میں شرکت کرنیوالی بہاولپورڈسٹرکٹ گرلز والی بال ٹیم کااعلا ن

جمعرات 3 دسمبر 2020 18:04

بہاولپور(اُردو پوائنٹ اخبارتازہ ترین - این این آئی۔ 03 دسمبر2020ء) ساؤتھ پنجاب گرلز والی بال انٹرڈسٹرکٹ اوپن لیگ ٹورنامنٹ رحیم یارخان میں شرکت کرنیوالی بہاولپورڈسٹرکٹ گرلز والی بال ٹیم کااعلا ن کردیاگیا،ٹیم کی فائنل سلیکشن کااعلان صدرڈویڑنل والی بال ایسوسی ایشن محمدمختار نے کیا۔

(جاری ہے)

جبکہ ان کے ہمراہ سلیکشن کمیٹی کے دیگر ممبران بابائے والی بال باباشفیق، محمدسعیدنوازتحصیل سپورٹس آفیسراحمدپورشرقیہ، سیدجاویداخترصدرڈسٹرکٹ والی بال ایسوسی ایشن تھے ڈسٹرکٹ والی بال گرلز ٹیم میں ثمرین کوثر، نور، رمشہ نواز، آمنہ اجمل، سمبل حسن، مصباح گل، اقصی سعید، بشری بشیر، عروسہ شامل ہیں جبکہ ٹیم منیجرمحمدسعیدنوازتحصیل سپورٹس آفیسراحمدپورشرقیہ اورکوچ محمدشفیق ہیں کوچنگ اینڈٹریننگ کیمپ کے اختتام پرٹیم کی سلیکشن کے بعد منتخب کردہ ٹیم سے خطاب کرتے ہوئے ڈسٹرکٹ سپورٹس آفیسربہاولپور عامرحمید نے کہاکہ ڈسٹرکٹ گرلز والی بال ٹیم کاانتخاب خالصتاً میرٹ پرکیاگیاہے اورامیدکی جاتی ہے کہ ٹیم رحیم یارخان میں اعلی کارکردگی کامظاہرہ کریگی۔