ْکراچی پولیس کی کارروائیاں ،مختلف جرائم میں ملوث 44ملزمان گرفتار ،اسلحہ اور منشیات برآمد

کراچی(اُردو پوائنٹ اخبارتازہ ترین - این این آئی۔ 16 دسمبر2020ء) پولیس نے شہرکے مختلف علاقوں میں کارروائیاں کرتے ہوئے منشیات وگٹکافروش،موٹرسائیکل چور،بچے کے ساتھ بدفعلی کرنے والااور9 فحاش عورتوں سمیت دیگر جرائم میں ملوث44ملزموں کو گرفتارکرکے قبضے سے اسلحہ،بھاری مقدار میں چرس،چوری کی موٹرسائیکلیں ،گٹکا ودیگر سامان برآمد کرلیاہے۔تفصیلات کے مطابق سولجربازار پولیس نے سی سی ٹی وی فوٹیج کی مدد سے مختلف علاقوں میں اسٹریٹ کرائم و ڈکیتیوں میں ملوث ڈکیت گینگ کے 2 ملزمان محمد دین ولد محمد حسین طاہر اورنعیم لنگڑا ولد محمد ہارون کوگرفتار کرکے چھینے ہوئے سات موبائل فون،موٹر سائیکل اور اسلحہ برآمد کرلیا۔

ادھرسائٹ پولیس نے کارروائی کر کے محمد شفیق ولد محمد عامر نامی اسٹریٹ کریمنل کو گرفتار کر لیا۔

(جاری ہے)

رضویہ پولیس نے موٹر سائیکل لفٹر گروہ کے دوکارندے بابر ولد جمیل اور شجاعت عرف شہزاد عرف سجو کو گرفتارکرلیا ،کلاکوٹ پولیس نے چار ملزمان بابل ،زوہیب ،انس ، آصف کو کلری پولیس نے عبدالرحمن کو ایف آئی اے نے مفرور انسانی اسمگلر سلیم کو گرفتار کرلیا۔

سائٹ سپر ہائی وے پولیس نے منشیات کی سپلائی میں ملوث ملزم محمد شفیع کو گرفتار کرکے 30 کلو 900 گرام چرس 43000 ہزار روپے نقد اور موبائل فون برآمد کرلیا۔ملیر سٹی پولیس نے منشیات فروش خان محمد عرف خانو کو گرفتار کرکے ڈیڑھ کلو سے زائد اعلی کوالٹی کی چرس برآمد کرلی،پولیس کے مطابق گرفتار ملزم کی بیوی شیما عرف شمع موقع سے فرار ہوگئی ۔ جیکسن پولیس نے منشیات فروش سیف اسلام عرف سمپلے کوسول لائن پولیس نے ایک ملزم محمد طیب کو گرفتار کرکے چوری شدہ موٹر سائیکل برآمد کرلی۔

رضویہ سوسائٹی پولیس نے موٹر سائیکل لفٹنگ گروہ کا کارندہ ایاز اورگٹکا فروش فاروق کو گرفتار کرکے مسروقہ موٹر سائیکل اورگٹکا برآمد کرلیا۔چاکیواڑہ پولیس نے معصوم بچے سے بدفعلی میں ملوث ملزم شاہ زیب عرف باٹوا کو گرفتار کرکے اسلحہ اور مسروقہ موبائل فونز برآمد کرلئے سائیٹ اے پولیس نے تین ملزمان منصر، امتیازاور نور محمد کو گرفتارکرکے اسلحہ برآمد کرلیاسرجانی ٹاو ن پولیس نے ایک ملزم دانیال عرف اکبرکو گرفتار اسلحہ برآمدکرلیا۔

نیو ٹا?ن پولیس نے گٹکا فروش توصیف کو گرفتار کرکے مضر صحت گٹکا برآمد کرلیا۔عیدگاہ پولیس نے گٹکا فروش فقیر محمد کو گرفتار کرکے مضر صحت گٹکا برآمد کرلیا۔ اتحاد ٹاون پولیس نے دو گٹکا فروش عصمت اللہ اور حفیظ کو گرفتار کرکے گٹکا برآمد کرلیا۔جمشید کوارٹر پولیس نے منشیات فروش وسیم کو گرفتارکرکے 140 گرام چر س جبکہ جسم فروشی کے اڈے سے مکروہ دھندے میں ملوث چھ عورتوں اور ایک مردکو گرفتارکرلیا۔شاہ فیصل کالونی پولیس نے فحاشی کے اڈے پر کارروائی کرتے ہوئے تین عورتوں فائزہ ،سونیا ،آسیہ اور دو مردریاست اور اویس کو گرفتارکرلیا۔