کلری پولیس نے گٹکا بنانے والے کارخانے پر چھاپہ مارکر تیارہ شدہ گٹکا ،چھالیہ اور دیگر سامان برآمد کرکے 2ملزمان کو گرفتار کرلیا

جمعرات 7 جنوری 2021 17:37

کراچی (اُردو پوائنٹ اخبارتازہ ترین - این این آئی۔ 07 جنوری2021ء) کلری پولیس نے گٹکا بنانے والے کارخانے پر چھاپہ مارکر تیارہ شدہ گٹکا ،چھالیہ اور دیگر سامان برآمد کرکے 2ملزمان کو گرفتار کرلیا ہے ۔

(جاری ہے)

تفصیلات کے مطابق ایس ایچ او کلری کی سربراہی میں پولیس پارٹی نے چھاپہ مارکارروائی میں 800گرام تیار شدہ گٹکا/ماوا اور(44.4) کلو گرام چھالیہ (2) عدد ڈرم چونے والے (4) عدد بورے پیکنگ گٹکا/ماوا (1) موبائل فون زرفروخت کی 2400 روپے قبضے میں لے کر2 ملزمان اصغر علی اورکامران عرف کمن کو گرفتار کرلیا ۔

گرفتار ملزم اصغر علی کے خلاف ایک ایف آئی آر نمبر 292/2018 بجرم دفعہ 269/270/273 تھانہ کلری میں پہلے بھی درج ہے۔گرفتار ملزمان کارخانہ میں گٹکا/ماوا تیار کر کے مختلف علاقوں میں سپلائی کرتے تھے۔گرفتار ملزمان کے خلاف ایف آئی آر نمبر 06/2021 بجرم دفعہ 8/6،8/4 گٹکا/ماوا ایکٹ درج کیا گیا۔گرفتار ملزمان سے گروہ کے دیگر ساتھیوں کے متعلق پوچھ گچھ جاری ہے۔