سانحہ مچھ کےشہداء کا لہو رائیگاں نہیں جائےگا، جنرل قمر جاوید باجوہ

سانحہ مچھ کے ذمے داروں کوانصاف کےکٹہرےمیں لایاجائےگا، آرمی چیف کی سانحہ مچھ کےمتاثرہ خاندانوں سے ملاقات میں گفتگو

Shehryar Abbasi شہریار عباسی بدھ جنوری 21:43

سانحہ مچھ کےشہداء کا لہو  رائیگاں نہیں جائےگا، جنرل قمر جاوید باجوہ
اسلام آباد (اُردو پوائنٹ اخبارتازہ ترین۔ 13 جنوری2021ء) آرمی چیف جنرل قمر جاوید باجوہ نے سانحہ مچھ کے شہداء کے لواحقین سے ملاقات کی۔اس موقع پر آرمی چیف جنرل قمر جاوید باجوہ نے کہا کہ ملک دشمن قوتوں کوانتشارپھیلانےمیں کامیاب نہیں ہونےدیں گے۔ شہداکی قربانیاں رائیگاں نہیں جائیں گی۔ اندوہناک سانحےکےملزمان کوکٹہرےمیں لایاجائےگا۔انہوں نے مزید کہا کہ ملک دشمن قوتوں کو انتشار پھیلانے میں کامیاب نہیں ہونےدیں گے ۔

بلوچستان پاکستان کا مستقبل ہے ۔بلوچستان میں ترقی سے ملک میں ترقی ہوگی۔آرمی چیف نےسانحہ مچھ کےلواحقین کوانصاف کی فراہمی کی یقین دہانی کرائی اور کہا کہ انصاف کےتقاضےپورےکیےجائیں گے ۔ انہوں نے ہزارہ برادری کے اجتماع میں بھی شرکت کی ۔ اس موقع پر آرمی چیف نے کہا کہ دشمن عناصراسٹریٹیجک صلاحیت کےبلوچستان پرنظریں جمائےہوئےہیں۔

(جاری ہے)

بلوچستان کی سیکیورٹی ،استحکام اورترقی یقینی بنائیں گے۔

آئی ایس پی آر کی جانب سے جاری بیان میں کہا گیا ہے کہ آرمی چیف جنرل قمر جاوید باجوہ نے کوئٹہ کا دورہ کیا جہاں انہوں مچھ سانحے میں شہید ہونے والوں کے خاندانوں سے ملاقات کی ۔ سانحہ مچھ کے لواحقین سے ملاقات کے بعد آرمی چیف نے سدرن کمانڈ ہیڈکوارٹر کا بھی دورہ کیا۔ کمانڈرسدرن کمانڈلیفٹیننٹ جنرل سرفرازعلی نےآرمی چیف کااستقبال کیا ۔آرمی چیف کو سدرن کمانڈہیڈکوارٹرز میں سیکیورٹی صورتحال پر بریفنگ دی گئی۔ آرمی چیف کوصوبےمیں درپیش سیکیورٹی چیلنجزسےبھی آگاہ کیاگیا ہے ۔آرمی چیف کوپاک افغان اورپاک ایران بارڈرمینجمنٹ پربھی بریفنگ دی گئی ہے۔