نارووال کے ارسطواحسن اقبال کو آجکل دن کی روشنی میں احتساب کے تارے نظر آ رہے ہیں،فیاض الحسن چوہاھن

2013 کی عام انتخابات ملکی تاریخ کے متنازعہ ترین اور دھاندلی پر مبنی انتخابات تھے جہاں ن لیگ کو شکست ہو وہاں انہیں ووٹ کی چوری نظر آتی ہے،بیان

جمعرات 14 جنوری 2021 21:41

نارووال کے ارسطواحسن اقبال کو آجکل دن کی روشنی میں احتساب کے تارے ..

حیدرآباد ٹاؤن (اُردو پوائنٹ اخبارتازہ ترین - آن لائن۔ 14 جنوری2021ء) وزیر جیل خانہ جات پنجاب فیاض الحسن چوہان نے کہا ہے کہ احسن اقبال کو آجکل دن کی روشنی میں احتساب کے تارے نظر آ رہے ہیں۔2013 کی عام انتخابات ملکی تاریخ کے متنازعہ ترین اور دھاندلی پر مبنی انتخابات تھے۔جہاں ن لیگ کو شکست ہو وہاں انہیں ووٹ کی چوری نظر آتی ہے۔ وزیر جیل خانہ جات پنجاب فیاض الحسن چوہان نے اپنے ایک بیان کہا ہے کہ نارووال کے ارسطو احسن اقبال کو آجکل دن کی روشنی میں احتساب کے تارے نظر آ رہے ہیں اسی لیے وہ اپنے آقاؤں کو خوش کرنے کے لیے بے پر کی اڑا رہے ہیں۔

فیاض الحسن چوہان نے کہا کہ ن لیگ نے 2015 میں گلگت بلتستان الیکشنز میں 23 میں سے 20 نشستیں جیتیں۔ اب انہیں گلگت بلتستان کے عام انتخابات میں پی ٹی آئی کی 23 میں سے 10 نشستیں جیتنے پر دھاندلی نظر آ رہی ہے۔

(جاری ہے)

انہوں نے کہا کہ 2013 کی عام انتخابات ملکی تاریخ کے متنازعہ ترین اور دھاندلی پر مبنی انتخابات تھے۔ پاکستان تحریک انصاف کی درخواست پر الیکشن کمیشن آف پاکستان اور عدلیہ نے چار حلقے کھول کر ن لیگ کی دھاندلی اور پی ٹی آئی کے موقف کی تائید کی۔

اب ڈھائی سال سے ن لیگ کو عوامی مینڈیٹ سے بنی موجودہ حکومت کی کارکردگی ہضم نہیں ہو رہی۔ فیاض الحسن چوہان نے کہا کہ جہاں ن لیگ کو شکست ہو وہاں انہیں ووٹ کی چوری نظر آتی ہے۔ فیاض الحسن چوہان نیکہا کہ نارووال کے ارسطو بار بار ووٹ کی چوری کی بات کر کے اپنی کم عقلی ظاہر کر رہے ہیں۔ ۔