سردار عبدالرب نشتر قائد اعظم کے رفیق خاص تھے، طارق حسن

پاکستان حاصل کرنے کیلئے عبدالرب نشتر نے عملی جدوجہد کی کنور ارشد علی خان

پیر 15 فروری 2021 22:41

کراچی(اُردو پوائنٹ اخبارتازہ ترین - این این آئی۔ 15 فروری2021ء) پاکستان مسلم لیگ (ق)سندھ کے صدر محمد طارق حسن نے کہا ہے کہ تحریک پاکستان کے رہنما سردار عبدالرب نشتر قائد اعظم محمد علی جناح کے رفیق خاص تھے قیام پاکستان میں انکی کاوشیں ہمیشہ یاد رکھی جائیں گی ان خیالات اظہار انہوں تحریک پاکستان کے رہنما سردار عبدارلرب نشتر کی کی 63 ویں برسی کے موقع پر مسلم لیگ (ق)کے تحت منعقدہ مذاکرے سے کیا ۔

(جاری ہے)

مسلم لیگ (ق)سندھ کے جنرل سیکرٹری کنور ارشد علی خان نے کہا کہ قیام پاکستان کے حصول کیلئے سردار عبدالرب نشتر نے عملی جدوجہد کی اور مسلم لیگ(ق)اکابرین ملت کی زندگی کو شعار بناتے ہوئے انکے کاز پر عمل پیرا ہے مسلم لیگ(ق)سندھ کے انفارمیشن سیکرٹری محمد صادق شیخ نے کہا کہ آزادی وطن نعمت ہے اور زندہ قومیں اپنے اکابرین کے کارناموں پر فخر کرتی ہیں ضرورت اس امر کی ہے کہ سردار عبدالرب نشتر اور اکابرین ملت کے نقشں قدم پر چل کر تکمیل پاکستان کیلئے اپنا کردار ادا کریں اس موقع پر نعمت خان خلجی،معیزالحسن،عبدالقیوم خان،فرید قریشی،کمال احمد،امتیاز علی،رائوکاشف،واصل خان،سلطان بھٹی، سہیل صدیقی،سید اخلاق،ذاکر قریشی،حنیف وارثی،حاجی زاہد،رحیم شاہ،حاجی عبدالستار،اسلم سندھی اور دیگر نے بھی اظہار خیال کیا