پی اے بی کے زیر اہتمام بلائنڈ کرکٹ ٹیموں کے اعزاز میں عشائیہ تقریب کا اہتمام

جمعہ 5 مارچ 2021 20:58

سکھر(اُردو پوائنٹ اخبارتازہ ترین - این این آئی۔ 05 مارچ2021ء) پی اے بی کے زیر اہتمام بلائنڈ کرکٹ ٹیموں کے اعزاز میں عشائیہ تقریب کا اہتمام کیاگیا۔

(جاری ہے)

تفصیلات کے مطابق پاکستان ایسوسی ایشن آف دی بلائنڈ سکھر کے زیر اہتمام بلائنڈ کرکٹ ٹورنامنٹ کی ٹیموں کے کھلاڑیوں ، آفشیلز کے اعزاز میں پروقار عشائیہ تقریب کا اہتمام کیا گیا ، اس موقع پر پی اے بی صوبہ سندھ کے صدر مظفر علی قریشی ، جنرل سیکریٹری عبدالجبار میرانی ، فنانس سیکریٹری فیصل بلوچ ، اسپورٹس سیکریٹری عبدالوہاب ، پاکستان بلائنڈ کرکٹ کونسل کے عاطف قیوم ، پی اے بی سکھر کے صدر سہیل احمد ، آرگنائیزر ٹورنامنٹ مسز سہیل ، آئی بی اے کے اوشاق علی ، ذوالفقار علی آرائیں سمیت پی اے بی کے عہدے داروں و فنکاروں ، گلوگاروں محمد سلیم قریشی ، حمیرا حمید ، پروفیسر ثروت خان ، علمہ رئوف ، فیصل چانڈیو ، مومل مٹھل،ذوہیب میرانی ، اختیار مگسی ، تنظیم علی سمیت معززین نے شرکت کی ، تقریب میں پی اے بی کے فنکاروں اور گلوگاروں نے اپنے فن کا مظاہرہ کرتے ہوئے شرکاء تقریب سے خوب داد وصول کی ، تقریب سے خطاب کرتے ہوئے پی اے بی صوبہ سندھ کے صدر مظفر علی قریشی نے کہا کہ کھیلوں کی سرگرمی جاری رکھنا عبادت سے کم نہیں ہے ، کھلاڑیوں کی حوصلہ افزائی کیلئے ایسی تقریبات کرانا خوش آئند اقدام ہے اختتام تقریب انہوں نے فاتح و رنر اپ ٹیموں کو مبارکباد پیش کی اور امید ظاہر کی وہ اپنے کھیل میں مزید نکھار پیدا کرینگے اور ملک و قوم کا نام روشن کرینگے۔