ترکی میں فوجی طیارہ گر کر تباہ، پائلٹ جاں بحق

طیارہ ملٹری پریڈ کرتب دکھانے کے لیے استعمال ہوتا تھا، رپورٹ

جمعرات اپریل 00:47

انقرہ(اُردو پوائنٹ اخبارتازہ ترین - این این آئی۔ 07 اپریل2021ء) ترکی میں معمول کی تربیتی پرواز بھرنے والا فوجی طیارہ گر کر تباہ ہوگیا جس کے نتیجے میں پائلٹ جاں بحق ہوگیا۔عالمی میڈیاکے مطابق ترکی میں فوجی مشقوں اور اہم قومی تقریبات کے دوران فضا میں پرواز کی مہارت اور کرتب دکھانے والا طیارہ قونیہ کے فضائی اڈے سے پرواز بھرنے کے کچھ دیر بعد لاپتہ ہوگیا تھا۔

(جاری ہے)

کنٹرول ٹاور سے رابطہ منقطع ہونے کے بعد طیارے کی تلاش کیلئے ریسکیو آپریشن کا آغاز کیا گیا جس کے دوران طیارے کا ملبہ قونیہ شہر کے وسط میں میدانی علاقے سے مل گیا۔ زمین بوس ہونے کے بعد طیارے میں آگ بھڑک اٴْٹھی۔طیارے کے جلے ہوئے ملبے سے پائلٹ کی لاش نکال لی گئی ہے۔ حادثے کی وجہ کے تعین کے لیے انکوائری کمیٹی تشکیل دیدی گئی ہے۔ صدر طیب اردوان نے طیارہ حادثے میں جاں بحق ہونے والے پائلٹ کے لواحقین سے دلی تعزیت کا اظہار کیا ہے۔

متعلقہ عنوان :