Live Updates

سعودی عرب کا اپنی فضائی حدود کسی بھی جارحانہ فوجی کارروائی کے لیے استعمال کرنے کی اجازت دینے سے انکار

فضائی حدود جارحانہ مقاصد کے لیے استعمال نہیں ہونے دی جائے گی، بعض عناصر مملکت کے مؤقف کو غلط انداز میں پیش کرنے کی کوشش کر رہے ہیں، سعودی عرب

جمعہ 8 مئی 2026 19:55

سعودی عرب کا اپنی فضائی حدود کسی بھی جارحانہ فوجی کارروائی کے لیے استعمال ..

ریاض(اُردو پوائنٹ اخبارتازہ ترین - آن لائن۔ 08 مئی2026ء) سعودی عرب نے امریکا، اسرائیل اور ایران کے درمیان جاری کشیدگی کے دوران اپنی فضائی حدود کو کسی بھی جارحانہ فوجی کارروائی کے لیے استعمال کرنے کی اجازت دینے سے انکار کر دیا۔غیر ملکی خبر رساں ادارے کے مطابق مملکت خطے میں کشیدگی کم کرنے کی خواہاں ہے۔ اور اس مقصد کے لیے ثالثی کی کوششوں کی حمایت کر رہی ہے۔

خصوصاً پاکستان کی جانب سے جاری سفارتی اقدامات کو سراہا جا رہا ہے۔

(جاری ہے)

سعودی عرب نے واضح کیا ہے کہ اس کی فضائی حدود جارحانہ مقاصد کے لیے استعمال نہیں ہونے دی جائے گی۔ جبکہ بعض عناصر مملکت کے مؤقف کو غلط انداز میں پیش کرنے کی کوشش کر رہے ہیں۔ یہ وضاحت ایسے وقت میں سامنے آئی ہے جب امریکی اخبار دی وال اسٹریٹ جرنل نے دعویٰ کیا تھا کہ سعودی عرب اور کویت نے امریکی فوج کو اڈوں اور فضائی حدود تک دوبارہ رسائی دے دی ہے۔سعودی ذرائع کے مطابق یہ تاثر درست نہیں اور مملکت کا مؤقف خطے میں امن اور استحکام کو فروغ دینا ہے۔