بھارت میں کورونا: مسلسل چوتھے روز چار لاکھ سے زائد نئے متاثرین، چار ہزار سے زیادہ ہلاکتیں

اتوار 9 مئی 2021 17:30

نئی دہلی (اُردو پوائنٹ اخبارتازہ ترین - آن لائن۔ 09 مئی2021ء) بھارت میں کورونا وائرس کی وبا کے دوران نئے کیسزکی یومیہ تعداد اتوار کو مسلسل چوتھے روز بھی چار لاکھ سے زیادہ رہی۔

(جاری ہے)

کئی بھارتی ریاستوں نے اپنے ہاں سخت لاک ڈاؤن نافذ کر رکھا ہے تاہم اس مہلک وائرس کا پھیلاؤ ابھی تک قابو میں نہیں آ رہا۔ اسی دوران ملک میں گزشتہ چوبیس گھنٹوں کے دوران اس وائرس کی وجہ سے مزید چار ہزار بانوے افراد کا انتقال ہو گیا۔ اب تک کووڈ انیس کی وبا اس ملک میں بائیس اعشاریہ تین ملین انسانوں کو متاثر کر چکی ہے جبکہ ہلاکتوں کی مجموعی تعداد بھی اب دو لاکھ بیالیس تین سو باسٹھ ہو گئی ہے۔