جب والد نے سری دیوی سے شادی کی تو میں خوش نہیں تھا، ارجن کپور

سری دیوی کے انتقال پر والد کا ساتھ دینے کا فیصلہ کیا،سوتیلی بہنوں جہانوی اور خوشی کو بھائی کا پیار دیا، انٹرویو

ہفتہ 22 مئی 2021 12:03

جب والد نے سری دیوی سے شادی کی تو میں خوش نہیں تھا، ارجن کپور

ممبئی (اُردو پوائنٹ اخبارتازہ ترین - این این آئی۔ 22 مئی2021ء) بالی ووڈ اداکار ارجن کپور نے کہا ہے کہ جب والد بونی کپور نے سری دیوی سے شادی کی خاطر میری ماں کو چھوڑا تو میں اس بات سے خوش نہیں تھا، لیکن اب میں اس بات کو سمجھ سکتا ہوں۔

(جاری ہے)

ایک انٹرویو میں ارجن کپور نے کہا کہ جب والد بونی کپور نے سری دیوی سے شادی کی خاطر میری ماں کو چھوڑا تو میں اس بات سے خوش نہیں تھا، لیکن اب میں اس بات کو سمجھ سکتا ہوں۔

انہوں نے کہا کہ میں اپنی پرورش کے حوالے سے اپنی والدہ کی تعریف کیے بغیر نہیں رہوں گا ۔ انہوں نے کہا کہ جب 2018 میں سری دیوی کا انتقال ہوا تو دکھ کی اس گھڑی میں، میں نے اپنے والد کا ساتھ دینے کا فیصلہ کیا۔بھارتی اداکار نے کہا کہ میں نے والد کے ساتھ اپنے تعلق کو دوبارہ استوار کیا اور اپنی سوتیلی بہنوں جہانوی اور خوشی کو بھائی کا پیار دیا۔