مقبوضہ جموںوکشمیر: بڈگام میں لڑکا غرقآب

کولگام میں کرنٹ لگنے سے نوجوان جاںبحق

جمعرات 10 جون 2021 17:42

سرینگر(اُردو پوائنٹ اخبارتازہ ترین - این این آئی۔ 10 جون2021ء) بھارت کے غیر قانونی زیر قبضہ جموںوکشمیر کے بڈگام اور کولگام اضلاع میں پیش آنے والے حادثات میں ایک چودہ سالہ لڑکا اور ایک نوجوان جان بحق ہو گیا۔

(جاری ہے)

کشمیر میڈیاسروس کے مطابق ضلع بڈگام کے علاقے آریگام میں اس وقت کہرام مچ گیا جب چودہ سالہ عرفان احمد بٹ ایک زیر تعمیر پل پار کرنے کے دوران اچانک پھسل کر نالے میں جاگرا۔

حادثے کی خبر پھیلتے ہی بڑی تعداد میں لوگ یہاں جمع ہو گئے اور لڑکے کی تلاش شروع کر دی۔ آخری اطلاعات تک لڑکے کو برآمد نہیں کیا جا سکا تھا۔ ادھر جنوبی ضلع کولگام کے گائوں شورت میں زاکر احمد کھانڈے نامی ایک نوجوان بجلی کے ایک تار کی لپیٹ میں آنے کی وجہ سے جان بحق ہوگیا۔ واقعے میں ایک اور لڑکا زخمی ہو گیا جو ہسپتال میں زیر علاج ہے۔