سراج الحق (کل ) سے فیصل آباد کا تین روزہ دورہ کرینگے ‘ترجمان

جمعرات 17 جون 2021 22:39

لاہور(اُردو پوائنٹ اخبارتازہ ترین - این این آئی۔ 17 جون2021ء) امیر جماعت اسلامی پاکستان سراج الحق جمعہ سے فیصل آباد کا تین روزہ دورہ کریں گے اور مختلف تقریبات میں شرکت اور خطاب کریں گے ۔

(جاری ہے)

ترجمان کے مطابق جماعت اسلامی کے قائدین لیاقت بلوچ ، امیر العظیم ، پروفیسر محمد ابراہیم ، میاں محمد اسلم ، راشد نسیم ، ڈاکٹر معراج الہدیٰ صدیقی ، اظہراقبال حسن ، محمد اصغر بھی سراج الحق کے ہمرا ہ ہوں گے ۔

کل جمعہ کو امیر جماعت نورانی مسجد ڈی گرائونڈ پیپلز کالونی میں خطبہ جمعہ دیں گے جبکہ مختلف وفود سے ملاقات اور الخدمت لیب کا افتتاح بھی ان کی مصروفیات میں شامل ے ۔ فیصل آباد بار سے خطاب اور اہم صنعتکاروں سے ملاقات امیر جماعت کی ہفتہ کے روز کی سرگرمیوں میں شامل ہے جبکہ اتوار کو وہ جماعت اسلامی حلقہ خواتین اور علماء و مشائخ سے خطاب کریں گے ۔