حیدرآباد،ڈاکٹر صاحبزادہ ابوالخیرمحمدزبیر کا پرویز خٹک کے قومی اسمبلی میں بیان پر افسوس کا اظہار

حکمرانوں کایہ بیان ان کی سنگدلی کی انتہا ہے، عوام مہنگائی اور غربت سے تنگ آکر خودکشیاںکررہے ہیں،صدر جمعیت علماء پاکستان و ملی یکجہتی کونسل

بدھ 23 جون 2021 00:00

حیدرآباد(اُردو پوائنٹ اخبارتازہ ترین - آن لائن۔ 22 جون2021ء) جمعیت علماء پاکستان و ملی یکجہتی کونسل کے صدر ڈاکٹر صاحبزادہ ابوالخیرمحمدزبیرنے وزیر دفاع پرویز خٹک کے قومی اسمبلی میں دئیے گئے اس بیان پر افسوس کا اظہار کیا ہے جس میں انہوں نے کہا کہ غربت اپوزیشن کا ڈرامہ ہے اور مہنگائی ہوگی تو ملک چلے گا،مہنگائی نہیں ہوگی تو ملک رک جائیگا، انہوں نے کہا کہ حکمرانوں کایہ بیان ان کی سنگدلی کی انتہا ہے کہ عوام مہنگائی اور غربت سے تنگ آکر خودکشیاںکررہے ہیں اپنے بچوں کو فروخت کررہے ہیں احتجاج اور ہڑتالیں کررہے ہیںاور حکمراں اس پر شرمندگی اور معذرت کرنے کے بجائے اس قسم کے بیانات دے کر ان کے زخموں پر نمک چھڑک رہے ہیں اگر غربت اور مہنگائی ختم نہیں کرسکتے تو کم از کم اس قسم کے بیہودہ بیانات دے کرپریشان حال عوام کی دل آزاری تو نہ کریںعمراں خان کو چاہئے کہ وہ اپنے ارکان کے اس قسم کے بیانات اور اس پر قہقہے لگانے والے اپنے ارکان اسمبلی کا احتساب کریں اور اگر وہ بھی اس بیان سے خوش ہیں تو اپنی پارٹی کے منشور میں اس کو شامل کرنے کا اعلان کریں کہ ہم ملک میں مہنگائی کو بڑھائیں گے تاکہ ملک چلے اور ترقی کری