ایس پی ہیڈکوارٹر انیل حیدر منہاس کا ٹرانسفارمر جلنے کے نتیجے میں متعدد افراد کے جھلسنے کا افسوسناک واقعہ پر جائے حادثہ کا دورہ

جمعہ 23 جولائی 2021 21:40

حیدرآباد(اُردو پوائنٹ اخبارتازہ ترین - این این آئی۔ 23 جولائی2021ء) ایس پی ہیڈکوارٹر انیل حیدر منہاس نے ٹرانسفارمر جلنے کے نتیجے میں متعدد افراد کے جھلسنے کا افسوسناک واقعہ پر جائے حادثہ کا دورہ کیا، ایس پی ہیڈکوارٹر نے ایس ایس پی حیدرآباد عبدالسلام شیخ کی طرف سے اس افسوسناک واقعہ پر گہرے دکھ اور رنج کا اظہار کیا، حیدرآباد پولیس اس واقعہ کے متاثرہ خاندانوں کے ساتھ مشکل کے اس وقت میں کھڑی ہے اور اس واقعہ کی مکمل طور پر انکوائری کی جارہی ہے تاکہ اس بڑے جانی حادثے میں ملوث افراد کو کیفر کردار تک پہنچایا جاسکے۔

(جاری ہے)

دریں اثناء ٹرانسفارمر پھٹنے کے واقعہ میں جاں بحق افراد کی نماز جنازہ کے موقع پر پولیس سیکیورٹی کے انتہائی سخت انتظامات کئے گئے تھے، لطیف آباد نمبر 8 اکبری گراؤنڈ کے اطراف پولیس کی بھاری نفری تعینات رہی۔