پاکستان نیٹ بال فیڈریشن نے 14 اگست کو جشن آزادی مردوں اور خواتین کے نمائشی میچز منعقد کروانے کی منصوبہ بندی تیار کر لی، مدثر آرائیں

ہفتہ 24 جولائی 2021 15:33

اسلام آباد (اُردو پوائنٹ اخبارتازہ ترین - این این آئی۔ 24 جولائی2021ء) پاکستان نیٹ بال فیڈریشن نے ملک بھر میں 14 اگست کو جشن آزادی مردوں اور خواتین کے نمائشی میچز منعقد کروانے کی منصوبہ بندی تیار کر لی ہے۔

(جاری ہے)

گذشتہ روز پاکستان نیٹ بال فیڈریشن کے صدر مدثر آرائیں نے بتایا کہ پاکستان نیٹ بال فیڈریشن ہر سال جشن آزادی کے موقع پر اس دن کو شایان شان طریقے سے منانے کے لئے مرد اور خواتین کے نمائشی میچز منعقد کروانے کا اعلان کرتی ہے، یہ میچز 14 اگست کو کراچی، حیدر آباد، پشاور، اسلام آباد، فیصل آباد، لاہور، کوئٹہ، مظفر آباد اور گلگت میں منعقد ہونگے۔ انہوں نے کہا کہ اس سلسلہ میں تمام متعلقہ صوبائی اور ریجنل ایسوسی ایشن کو ہدایت جاری کردی گئیں ہیں۔