چکوال،صحافی کو جان سے مارنے اور اغواء کی دھمکی دینے والے ملزم کو سٹی پولیس نے گرفتار کر لیا

ہفتہ 24 جولائی 2021 18:11

چکوال(اُردو پوائنٹ اخبارتازہ ترین - این این آئی۔ 24 جولائی2021ء) صحافی کو جان سے مارنے اور اغواء کی دھمکی دینے والے ملزم کو سٹی پولیس نے گرفتار کر لیا۔ملزم دلبر المعروف غلام محمد ولد غلام رسول اور بخت خان ولد باز محمد المعروف بخت خان ولد غلام حیدر نے مسلح ہو کر سیکرٹری یونین کونسل ملہال مغلاں خادم حسین کی ایماء پر دھمکی دی۔

(جاری ہے)

پولیس نے ملزم دلبر المعروف غلام محمد کو گرفتار کر کے علاقہ مجسٹریٹ کی عدالت سے تین روز کا جسمانی ریمانڈ حاصل کر لیا۔

سیکرٹری خادم حسین کی عبوری درخواست ضمانت منظور۔ملزم بخت خان کی گرفتاری کے لئے چھاپے مارنے کا سلسلہ جاری۔ملزمان کے خلاف صحافی امیر عباس منہاس نے جعلی شناختی کارڈ بنوانے اور شہریت حاصل کرنے کے الزام کے تحت خبریں شائع کی تھی جس پر ملزمان مشتعل ہو کر صحافی کے رہائشی فلیٹ میں مسلح ہو کر داخل ہو گئے۔