Live Updates

نو مئی کے کیسز میں پی ٹی آئی کے مزید اراکین اسمبلی نااہل ہو سکتے ہیں، وزیرمملکت عقیل ملک کا دعویٰ

اتوار 1 جون 2025 12:05

اسلام آباد(اُردو پوائنٹ اخبارتازہ ترین - این این آئی۔ 01 جون2025ء) وزیرمملکت برائے قانون وانصاف بیرسٹر عقیل ملک نے کہا ہے کہ مئی کیسز میں پی ٹی آئی کے اور ایم این ایز اور ایم پی ایز نااہل ہوسکتے ہیں۔نجی ٹی وی کے پروگرام میں گفتگو کرتے ہوئے بیرسٹر عقیل ملک کا کہنا تھا کہ پی ٹی آئی نے پہلے بھی فائنل کال دی تھی، جس میں وہ ناکام ہوئے، پہلے بھی پی ٹی آئی قیادت اپنے ورکرز کو چھوڑ کر پتلی گلی سے نکل گئی تھی۔

(جاری ہے)

انہوں نے کہا کہ پی ٹی آئی اپوزیشن لائنس بنانے میں بھی ناکام رہی، کیسے ممکن ہے کہ عمران خان جیل میں رہ کر تحریک کی نگرانی کریں گے،ہم نے اپوزیشن کو کبھی دیوارسے نہیں لگایا، وہ اپنے آپ کودیوارسے لگاتے ہیں۔وزیرمملکت برائے قانون وانصاف کا کہنا تھا کہ پی ٹی آئی ابھی بھی سپیکر کی مذاکراتی کمیٹی سیرابطہ کرسکتی ہے، وزیراعظم شہبازشریف نے باربار پی ٹی آئی کو مذاکرات کی پیشکش کی، پی ٹی آئی ایک قدم اٹھائے گی تو کچھ قدم ہم بھی اٹھالیں گے۔عقیل ملک کا مزید کہنا تھا کہ راناثنااللہ نے قانونی طورپربانی پی ٹی آئی کے جیل میں رہنے سے متعلق بات کی، 9مئی کیسز میں پی ٹی آئی کے اور ایم این ایز اور ایم پی ایز نااہل ہوسکتے ہیں۔