وزیراعظم کی اشیا ضروریہ کی قیمتوں کی نگرانی اور مافیا کے خلاف سخت کارروائی کرنے کی ہدایت

عوام کو اشیائے ضروریہ کی مناسب قیمت پرفراہمی اولین ترجیح، وزیراعظم عمران خان نے منافع خوروں اور مافیا کی جانب سے ملک میں اشیائے ضروریہ کی قیمتوں میں اضافے کا نوٹس لے لیا، ذرائع

پیر 26 جولائی 2021 23:34

وزیراعظم کی اشیا ضروریہ کی قیمتوں کی نگرانی اور مافیا کے خلاف سخت کارروائی ..

اسلام آباد (اُردو پوائنٹ اخبارتازہ ترین۔ 26 جولائی2021ء) عوام کو اشیائے ضروریہ کی مناسب قیمت پرفراہمی اولین ترجیح، وزیراعظم عمران خان نے منافع خوروں اور مافیا کی جانب سے ملک میں اشیائے ضروریہ کی قیمتوں میں اضافے کا نوٹس لے لیا، قیمتوں کی نگرانی اور مافیا کے خلاف سخت کارروائی کی ہدایت- تفصیلات کےمطابق وزیراعظم عمران خان کی زیرصدارت اشیائے ضروریہ کی قیمتوں کا جائزہ ‏اجلاس ہوا جس میں وزیر منصوبہ بندی اسد عمر، وزیر صنعت و پیداوار مخدوم خسرو بختیار، وزیر ‏مملکت براے اطلاعات و نشریات فرخ حبیب ، معاون خصوصی برائے سیاسی مواصلات ڈاکٹر شہباز ‏گل اور متعلقہ اعلی افسران نے شرکت کی۔

وزیر خزانہ شوکت ترین ،چیف سیکرٹری پنجاب اور بلوچستان ویڈیو لنک کے ذریعے اجلاس میں ‏شریک ہوئے۔

(جاری ہے)

اجلاس میں وزیر اعظم نے اس بات پر زور دیا کہ عوام کو اشیائے ضروریہ کی مناسب قیمت پر ‏فراہمی حکومت کی اولین ترجیح ہے۔ وزیرِ اعظم نے ہدایت کی کہ تحصیل و ضلعی انتظامیہ اور مسابقتی کمیشن کے ذریعے اشیائے ‏خوردو نوش کی مناسب قیمتوں کو یقینی بنانے کے ساتھ ساتھ منافع خوروں اور مافیا کے خلاف ‏بھرپور کارروائی کو یقینی بنایا جائے اور عوام کو سہولت فراہم کی جائے۔

وزیرِ اعظم نے چیف سیکرٹری صاحبان کو ہدایت کی کہ قیمتوں کے حوالے سے غفلت کے ‏مرتکب افسران کے خلاف کاروائ کو یقینی بنایا جائے۔ ‏ وزیر اعظم نے قیمتوں کی مستقل بنیادوں پر نگرانی اور مناسب قیمتوں کو یقینی بنانے کے حوالے ‏سے قائم سیل کو مزید فعال بنانے کی ضرورت پر بھی زور دیا۔