چین کی پیپلز لبریشن آرمی اور پاک فوج مشکل وقت کے بھائی ہیں،جنرل قمر جاوید باجوہ

باہمی مفادات کے تحفظ کیلئے ہمارے تعلقات مضبوط ہو رہے ہیں، باہمی شراکت داری علاقائی امن واستحکام کیلئے انتہائی اہم ہے آرمی چیف کا پیپلزلبریشن آرمی کے 94ویں یوم تاسیس کے حوالے سے منعقدہ تقریب سے بحیثیت مہمان خصوصی خطاب، دفاع اور سیکیورٹی کیلئے پیپلزلبریشن آرمی کی قیادت کو سراہا،آئی ایس پی آر پاکستان اورچین اسٹریٹجک پارٹنراور آہنی بھائی ہیں، دنیا بدل سکتی ہے لیکن ہم ہمیشہ ساتھ کھڑے ہیں،چین کے دفاعی اتاشی کا خطاب

جمعرات 29 جولائی 2021 23:29

چین کی پیپلز لبریشن آرمی اور پاک فوج مشکل وقت کے بھائی ہیں،جنرل قمر ..

راولپنڈی(اُردو پوائنٹ اخبارتازہ ترین - این این آئی۔ 29 جولائی2021ء) آرمی چیف جنرل قمر جاوید باجوہ نے کہا ہے کہ چین کی پیپلز لبریشن آرمی اور پاک فوج مشکل وقت کے بھائی ہیں،باہمی مفادات کے تحفظ کے لیے ہمارے تعلقات مضبوط ہو رہے ہیں۔پاک فوج کے شعبہ تعلقات عامہ (آئی ایس پی آر)کے مطابق آرمی چیف جنرل قمر جاوید باجوہ نے یہ بات جی ایچ کیو میں پیپلزلبریشن آرمی کے 94ویں یوم تاسیس کے حوالے سے منعقدہ تقریب سے بحیثیت مہمان خصوصی خطاب کرتے ہوئے کہی۔

آئی ایس پی آر کے مطابق تقریب میں چینی سفیراوردفاعی اتاشی سمیت چینی سفارتخانے کے حکام اور پاکستان کی تینوں مسلح افواج کے افسران نے شرکت کی۔چین کے دفاعی اتاشی نے یوم تاسیس پراستقبالیہ دینے پہ آرمی چیف کا شکریہ ادا کیا۔

(جاری ہے)

انہوں نے اس موقع پر چینی صدر کے بیان کو بھی دہرایا۔آئی ایس پی آر کے مطابق جنرل قمر جاوید باجوہ نے اس موقع پر خطاب کرتے ہوئے کہا کہ ہرچیلنج کے دوران پاک چین تعلقات مثالی نوعیت کے رہے ہیں۔

آرمی چیف نے کہا کہ باہمی شراکت داری علاقائی امن واستحکام کے لیے انتہائی اہم ہے۔ انہوں نے کہا کہ ماضی اورحال میں ہرچیلنج میں ہم نے ایک دوسرے کا ساتھ دیا۔انہوںنے کہا کہ چین کی پیپلزلبریشن آرمی اور پاک فوج مشکل وقت کے بھائی ہیں۔ انہوں نے کہا کہ باہمی مفادات کے تحفظ کے لیے ہمارے تعلقات مضبوط ہو رہے ہیں۔آئی ایس پی آر کے مطابق آرمی چیف نے دفاع اور سیکیورٹی کے لیے پیپلزلبریشن آرمی کی قیادت کو بھی سراہا۔

اس موقع پر چین کے دفاعی اتاشی نے کہا کہ پاک چین اسٹریٹجک تعلقات خطے میں مثالی نوعیت کے ہیں۔ انہوں نے کہا کہ پاکستان اورچین اسٹریٹجک پارٹنراور آہنی بھائی ہیں۔آئی ایس پی آر کے مطابق چین کے دفاعی اتاشی نے کہا کہ دنیا بدل سکتی ہے لیکن ہم ہمیشہ ساتھ کھڑے ہیں۔ انہوں نے کہا کہ جغرافیائی تحفظ اور علاقائی امن واستحکام کے لیے متحد ہیں۔