بلدیاتی الیکشن جیت کر عوام کی مزید خدمت کرنا چاہتا ہوں،چودھری محمدشفیق

عوام کی بے لوث خدمت کرکے ان کے مسائل حل کرنے کیلئے بھر پور جدوجہد کروں گا ،آزادامیدوارکونسلرکی گفتگو

ہفتہ 7 اگست 2021 12:30

خالق نگر(اُردو پوائنٹ اخبارتازہ ترین - این این آئی۔ 07 اگست2021ء) والٹن کنٹونمنٹ بورڈلاہوروارڈنمبر9میں آزادامیدواربرائے کونسلرچودھری محمدشفیق نے کہا کہ عوام کی خدمت کرنے کو فخر سمجھتا ہوں، باپ دادا نے علاقے کی خدمت کی ہے اب بلدیاتی الیکشن جیت کر عوام کی مزید خدمت کرنا چاہتا ہوں۔ میڈیا سے گفتگو کرتے ہوئے انہوں نے کہا کہ بلدیاتی الیکشن میں آنے کا فیصلہ ان کا ذاتی نہیں بلکہ دوست احباب کے اسرار پر کیا۔

(جاری ہے)

وہ علاقے میں لوگوں کی خدمت کرنا چاہتے ہیں اور بلدیاتی الیکشن سب سے بہتر فورم ہے۔چودھری محمدشفیق نے کہا کہ ہم سیاست کو عبادت سمجھ کر اپنے فرائض ادا کر رہے ہیں کبھی عوام سے ایسا وعدہ نہیں کیا جو پورا نہ کر سکے ہوں ، ان شا اللہ بلدیاتی انتخابات میں بھی جیت ہماری خدمت کی سیاست اور علاقے کی ترقی کے منشور کی ہو گی۔ علاقے کی تعمیر و ترقی ہماری اولین ترجیح رہی ہے۔انہوں نے کہا کہ عوام کی بے لوث خدمت کرکے ان کے مسائل حل کرنے کیلئے بھر پور جدوجہد کروں گا ۔