گزشتہ آٹھ ماہ کے دوران ضلع چکوال میں قتل اور اقدام قتل کی وارداتوں میں خاطر خواہ اضافہ

ناجائز اسلحہ اور منشیات کی ریکارڈ برآمدگی ،ڈکیتی کی 7نقب زنی کی وارداتوں میں ساڑھے تین کروڑ روپے سے زائد کا مال مسروقہ برآمد

ہفتہ 4 ستمبر 2021 23:35

چکوال(اُردو پوائنٹ اخبارتازہ ترین - این این آئی۔ 04 ستمبر2021ء) گزشتہ آٹھ ماہ کے دوران ضلع چکوال میں قتل اور اقدام قتل کی وارداتوں میں خاطر خواہ اضافہ ہوا ہے البتہ ناجائز اسلحہ اور منشیات کی ریکارڈ برآمدگی ہوئی ہے جبکہ ڈکیتی کی 7نقب زنی کی وارداتوں میں ساڑھے تین کروڑ روپے سے زائد کا مال مسروقہ برآمد کیا گیا ہے۔

(جاری ہے)

ڈی پی او آفس سے جاری ہونے والے اعداد و شمار کے مطابق آٹھ ماہ کے دوران 189مجرمان اشتہاری گرفتار کیے گئے ہیں جبکہ ڈکیتوں کے 21گینگ گرفتار کیے گئے ہیں۔

آٹھ ماہ کے دوران 27کلاشنکوف 251پستول 62بندوق 12بور،21رائیفلز،8ریوالور،376ملزمان سے برآمد کیے گئے ہیں۔چوری کی آٹھ گاڑیوں کے علاوہ 58موٹرسائیکل بھی برآمد کئے گئے ہیں۔ڈی پی او محمد بن اشرف نے ہفتے کے روز بتایا کہ مجموعی طور پر ضلع چکوال میں امن وامان کی صورتحال قابو میں ہے اور ڈکیتوں اور چوروںکے گرد گھیرا تنگ کردیاگیا ہے ۔ انہوں نے مزید کہا کہ پولیس میں بدعنوان اہلکاروں کی عوام نشاندہی کریں۔