پی آئی اے نے 22 سال بعد عرب اسلامی ملک کیلئے پروازوں کا آغاز کر دیا

2 دہائیوں سے زائد کے طویل وقفے کے بعد قومی ائیرلائن کی پہلی مسافر پرواز شام کے دارالحکومت دمشق پہنچی

محمد علی ہفتہ 18 ستمبر 2021 22:44

دمشق (اُردو پوائنٹ تازہ ترین اخبار۔ 18 ستمبر 2021ء) پی آئی اے نے 22 سال بعد عرب اسلامی ملک کیلئے پروازوں کا آغاز کر دیا۔ تفصیلات کے مطابق پاکستان کی قومی ائیرلائن پی آئی اے نے بین الاقوامی روٹس پر پروازوں کی تعداد میں اضافے کے حوالے سے اہم سنگ میل عبور کر لیا۔ پی آئی اے نے 22 سال کے بعد شامل کے دارالحکومت دمشق کیلئے مسافر پروازوں کا باقاعدہ آغاز کر دیا، اس حوالے سے سی ای او پی آئی اے ارشد ملک کی جانب سے خصوصی ٹوئٹ بھی کیا گیا۔

Alhamdolillah, After 22 years, #PIA landed in #Damascus, with #pilgrims with an aim to promote religious tourism & restore relations with Syria in line with the vision of @ImranKhanPTI & @GovtofPakistan. Salute to Amb Air Mshl Saeed M Khan for his great support long live PIA pic.twitter.com/yJgNJZb6jw
— Air Marshal Arshad Malik (Retd) (@amarshadmalik) September 18, 2021

انہوں نے بتایا کہ زائرین کو لے جانے والی پی آئی اے کی پرواز مشق لینڈ کر گئی۔ جبکہ میڈیا رپورٹس کے مطابق دمشق پہنچنے والی پی آئی اے پروازوں کا واٹر کیننز سے خصوصی استقبال کیا گیا۔ رپورٹس کے مطابق قومی ایئرلائن نے مشرق وسطیٰ کے لیے خصوصی فلائٹ آپریشن کا آغاز کیا ہے۔

(جاری ہے)

اسی سلسلے میں پاکستان انٹرنیشنل ایئرلائن (پی آئی اے) کی پرواز پی کے9501 کراچی سےدمشق کے لیے روانہ ہوئی۔

اس پرواز میں ‏وفاقی وزیرغلام سرور، سی ای او پی آئی اے اور شامی سفیر بھی موجود تھے۔ بوئنگ77 طیارےکےذریعے300 سےزائد مسافردمشق کے لیے روانہ ہوئے۔ مزید بتایا گیا ہے کہ پی آئی اے12 پروازیں نجف،2 بغداد اور 4 دمشق کے لیے آپریٹ کرے گی۔ پی آئی اے کا خصوصی آپریشن 24 ستمبر ‏تک جاری رہےگا۔ پروازیں کراچی،لاہوراوراسلام آباد سے براہ راست روانہ ہوں گی۔

اس حوالے سے سی ای او ارشد ملک کا کہنا ہے کہ اہم مذہبی مواقع پرزائرین کے لیے پروازوں کا آپریشن شروع کیا۔ انہوں نے کہا کہ قومی ایئرلائن ‏زائرین کومقام مقدسہ پہنچانےمیں پیش پیش ہے۔ واضح رہے کہ کرونا بحران کے دوران پی آئی اے سمیت ملک کی نجی ائیرلائنز شدید نقصانات سے دوچار ہوئیں۔ ان نقصانات کم کرنے کیلئے پی آئی اے مسلسل کوشاں ہے۔ قومی ائیرلائن کی جانب سے گزشتہ ایک سال کے دوران کئی روٹس پر پروازوں کا آغاز کیا گیا۔

پی آئی اے کی حالت میں بہتری لانے کے حوالے سے بتایا گیا ہے کہ قومی ائیرلائن کو چیلنجز کا سامنا ہے لیکن اس کے باوجود ایئر لائن کی معاشی صورت حال بہتر بنانے کے لیے مختلف غیر ملکی سیکٹرز پر پروازوں کا آغاز اور تعداد میں اضافہ کیا جائے گا۔ اس کے علاوہ پی آئی اے عالمی ماہرین پر مشتمل بزنس پلان تیار کر رہی ہے جس سے پی آئی اے کو دنیا بھر میں کامیابی حاصل ہوگی۔ ری اسٹرکچرنگ میں جدت اور ٹیکنالوجی کا استعمال کیا جائے گا۔