پاکستانی نژاد باکسر عامر خان کو امریکی ایئرلائنز سے اتار دیا گیا

ماسک ٹھیک سے نہ پہننے کی ایئرلائن عملے کی شکایت پر مجھے، دوست کو پرواز سے اتارا گیا جبکہ کچھ بھی غلط نہیں تھا، ماسک بھی ٹھیک تھا: سابق عالمی چیمپئن باکسر

ذیشان مہتاب اتوار 19 ستمبر 2021 13:24

پاکستانی نژاد باکسر عامر خان کو امریکی ایئرلائنز سے اتار دیا گیا

واشنگٹن (اردو پوائنٹ تازہ ترین اخبار ۔ 19 ستمبر 2021ء ) پاکستانی نژاد برطانوی باکسر عامر خان کو ان کے دوست سمیت امریکہ میں طیارے سے آف لوڈ کر دیا گیا ۔ ایئرلائن کی جانب سے ماسک ٹھیک سے نہ پہننے پر طیارے سے آف لوڈ کر دیا گیا۔ دوسری جانب عالمی شہرت یافتہ باکسر نے رویے کو ہتک آمیز قرار دیتے ہوئے کہا کہ ماسک ٹھیک سے نہ پہننے کی ایئرلائن عملے کی شکایت پر مجھے اور دوست کو پرواز سے اتارا گیا جب کہ کچھ بھی غلط نہیں تھا اور ماسک بھی ٹھیک تھا۔

(جاری ہے)

34 سالہ عامر خان نے کہا کہ میرے ساتھ پہلے کبھی ایسا نہیں ہوا۔ یہ سب توہین آمیز تھا ۔ اس صورتحال پر دلی افسوس ہوا ہے۔ عامر خان نے اس واقعے کو انتہائی ناگوار قرار دیا اور کہا کہ وہ دوسری پرواز سے ٹریننگ کیمپ جارہے ہیں ۔