گورنرپنجاب کاافغان عوام کیلئے 100ملین روپے کی لاگت سے کھانے پینے کی اشیا ء بجھوانے کا اعلان
اگر افغانستان میں کوئی ایک شخص نفرت انگیز حرکت کر تا ہے تو اس کا ذمہ دار پورے افغانستان کو قرارنہیں دیا جاسکتا ‘محمد سرور
بدھ 22 ستمبر 2021 19:03
(جاری ہے)
گور نر پنجاب چوہدری محمدسرور نے پریس کانفر نس سے خطاب کرتے ہوئے کہا کہ کوئی شک نہیں کہ اس وقت افغانستان کی عوام کو کھانے پینے کی اشیا کے ساتھ صحت کے شعبے میں بہت سی مشکلات کا سامنا کر نا پڑ رہا ہے ان حالات میں پوری دنیا کی ذمہ داری بنتی ہے کہ وہ سیاسی اور ذاتی مفادات سے بالاترہوکر افغان عوام کو بنیادی سہولتوں کی فر اہمی کے لیے اقدامات کر ے اور زیادہ سے زیادہ افغان عوام کی مدد کی جا ئے۔
انہوں نے کہا کہ ہم بزنس کیمونٹی کے مخیر حضرات کے گروپ فر ینڈ ز آف لاہور کے تعاون سے پہلے مر حلے میں100ملین روپے کی لاگت سے امدادی سامان افغانستان بجھوارہے ہیں اور ہم پاکستان کے تمام مخیر حضرات سے یہ اپیل کرتے ہیں کہ وہ بیت السلام کے اکائونٹس میں زیادہ سے زیادہ عطیات جمع کروائیں تاکہ ہم مشکل کی اس گھڑی میں افغان عوام کیساتھ کھڑے ہوسکیں۔چوہدری محمدسرور نے کہا کہ افغانستان میں امن سے صرف پاکستان اور اس خطے کو ہی نہیں بلکہ پوری دنیا کو فائدہ ہوگا۔انہوں نے کہا کہ امن کے قیام کے لیے افغانستان میں معیشت کی مضبوطی اور عوام کو بنیادی سہولتوں کی فر اہمی ضروری ہے ۔ انہوں نے کہا کہ پاکستان کی افغانستان کے حوالے سے پالیسی واضح ہے کہ ہم وہاں پراپنی مر ضی کی حکومت چاہتے ہیں اور نہ ہی ہم افغانستان کے ذاتی معاملات میں کوئی مداخلت کر یں گے۔ انہوں نے کہا کہ ہمارا مقصد صرف اور صرف انسانیت کی خدمات ہیں جس کے لیے پاکستان وزیر اعظم عمران خان کی قیادت میں پہلے دن سے اپنا کردار ادا کر رہا ہے ۔ ایک سوال کے جواب میں گور نر پنجاب چوہدری محمدسرور نے کہا کہ اگر افغانستان میں کوئی ایک شخص نفرت انگیز حرکت کر تا ہے تو اس کا ذمہ دار پورے افغانستان کو قرارنہیں دیا جاسکتا ۔ انہوں نے کہا کہ ایسے لوگ موجود ہیں جو پاکستان اور افغانستان کے درمیان پر امن اور مستحکم تعلقات کے مخالف ہیں مگر ہم نے اپنے عمل کے ذریعے ایسے لوگوں کو ناکام بنانا ہے اور اپنے افغان بہن بھائیو ں کیساتھ کھڑا ہو نا ہے ۔ چوہدری محمدسرور نے کہا کہ ہم فلاحی تنظیموں پاک افغان بردار ہوڈ،سرور فائونڈیشن ،یو ایم ٹی لاہور،یونیورسٹی آف لاہور،قر شی فائونڈیشن ،غنی گروپ اوروائٹل گروپ کے تعاون سے افغان عوام کی مدد کر رہے ہیں۔ انہوں نے کہا کہ پاکستان میں جس جذبے کے ساتھ مخیر حضرات ہر مشکل وقت میں متحد ہوکر انسانیت کی خدمت کے لیے کام کرتے ہیں دنیا میں اسکی کوئی اور مثال نہیںملتی۔ انہوں نے کہا کہ فلسطینی عوام پر جب اسرائیل نے مظالم کی انتہا کی تو سب سے پہلے پاکستان کے مخیر حضرات کے تعاون سے ہم نے فلسطینی عوام کیلئے صحت سمیت دیگر شعبوں میں بھر پور مدد کی اور اب افغان عوام کو بھی مشکل کی اس گھڑی میں کسی صورت تنہا نہیں چھوڑیں گے انکی بھر پور مدد جاری رکھی جائے گی ۔اس موقع پر فلاحی تنظیم بیت السلام کے مولانا عبد الستارنے بتایا کہ ہم نے کورونا کے دوران بھی گور نر پنجاب کی قیادت میں انسانیت کی خدمت کیلئے کام کیا ہے اور آج ہم افغانستان کے عوام کے لیے بھی راشن سمیت دیگر امداد کی فراہمی کے لیے کام شروع کر رہے ہیں اور انشااللہ ہم بغیر کسی سیاسی مقصد کے انسانیت کی خدمت کا یہ سلسلہ جاری رکھیں گے ۔ وائس چانسلر پروفیسر ڈاکٹر جاوید اکرم نے بتایا کہ گور نر پنجاب و یونیورسٹی آف ہیلتھ سائنسز کے چانسلر چوہدری محمدسرورکی خصوصی ہدایت کے بعد ہم نے افغان ڈاکٹرز کی ٹر یننگ اورٹیلی میڈیسن ہیلپ لائن سمیت دیگر طر یقوں سے صحت کے شعبے میں بھر پور مدد شروع کردی ہے اور بہت جلد ہم گور نر پنجاب کی قیادت میں افغانستان کا بھی دورہ کر یں گے ۔مزید اہم خبریں
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
-
بانی پی ٹی آئی فوجی قیادت کے ساتھ مذاکرات چاہتے لیکن کوئی جواب نہیں آیا
-
ہم مذاکرات صرف فوج، آرمی چیف اور ڈی جی آئی ایس آئی کے ساتھ کریں گے
-
اسلام آباد ہائیکورٹ کے ججز کے خط پر فل کورٹ کی تشکیل سے گریز،عدالتی امور میں انٹیلیجنس ایجنسیوں کی مداخلت کے حوالے سے چیف جسٹس آف پاکستان کا بیان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.