ثانیہ مرزا اور چینی جوڑی دار شوائی ژنگ نے ڈبلیو ٹی اے اوسٹراوا اوپن ٹینس ٹورنامنٹ کا ویمنز ڈبلز ٹائٹل اپنے نام کرلیا

پیر 27 ستمبر 2021 15:46

پراگ(اُردو پوائنٹ اخبارتازہ ترین - این این آئی۔ 27 ستمبر2021ء) بھارتی ٹینس سٹار ثانیہ مرزا اور ان کی چینی جوڑی دار شوائی ژنگ نے ڈبلیو ٹی اے اوسٹراوا اوپن ٹینس ٹورنامنٹ کا ویمنز ڈبلز ٹائٹل اپنے نام کرلیا ۔

(جاری ہے)

ڈبلیو ٹی اے کے زیراہتمام اوسٹرا وا اوپن کے دلچسپ مقابلوں کا سلسلہ جمہوریہ چیک میں جاری تھا جس کے ویمنز ڈبلز مقابلوں کے فائنل میں بھارت کی ثانیہ مرزا اور چین کی شوائی ژنگ نے انتہائی شاندار کارکردگی کا مظاہرہ کرتے ہوئے حریف نیوزی لینڈ کی ایرن روٹیلف اور امریکا کی کیٹلین کرسچین کو سٹریٹ سیٹس میں 3-6 اور 2-6 سے ہرا کر رواں سال کا پہلا ڈبلیو ٹی اے ٹائٹل اپنے نام کرلیا۔ ڈبلیو ٹی اے ڈبلز مقابلوں کا فائنل میچ ایک گھنٹے اور چار منٹ تک جاری رہا۔