آصف زرداری کی جشن عید میلادالنبی کے موقع پر تمام مسلمانوں خاص طور پاکستانیوں کو مبارکباد

آقائے دوجہاں تمام انسانیت کیلئے رحمت بن کر آئے،ہمیں سرور کائنات، محسن انسانیت اور رحمت اللعالمین کے بتائے ہوئے راستے پر چلنا ہوگا،سابق صدر

پیر 18 اکتوبر 2021 23:41

آصف زرداری کی جشن عید میلادالنبی کے موقع پر تمام مسلمانوں خاص طور ..

اسلام آباد/کراچی (اُردو پوائنٹ اخبارتازہ ترین - این این آئی۔ 18 اکتوبر2021ء) سابق صدر پاکستان اور پاکستان پیپلزپارٹی پارلیمنٹیرینز کے صدر آصف علی زرداری نے جشن عید میلادالنبی کے موقع پر تمام مسلمانوں خاص طور پاکستانیوں کو مبارکباد دیتے ہوئے کہا ہے کہ آقائے دوجہاں تمام انسانیت کے لئے رحمت بن کر آئے۔ ہمارے نبی حضرت محمد ؐ نے ہمیں امن، محبت اور برداشت کا درس دیا ہے۔

(جاری ہے)

ہمیں اس سوچ کی مذاحمت کرنا ہوگی جو مذہب کی آڑ میں من مانی کرتے ہیں۔ ہمیں ان عناصر کو بھی شکست دینا ہوگی جو مذہب کی آڑ میں معصوم انسانوں کا قتل کرتے ہیں۔ آصف علی زرداری نے کہا کہ رہبر انسانیت حضرت محمد ؐ نے ہمیں تمام مذاہب کے احترام کا درس دیا ہے۔ ہمیں سرور کائنات، محسن انسانیت اور رحمت اللعالمین کے بتائے ہوئے راستے پر چلنا ہوگا۔ اسلام ہمیں ظلم، جبر اور ناانصافی کے خلاف آواز بلند کرنے کا درس دیتا ہے۔