پشاور پولیس ،ملزمان میں فائرنگ کاتبادلہ،ایک ملزم اپنے ساتھی کی فائرنگ سے ہلاک

بدھ 20 اکتوبر 2021 15:46

پشاور(اُردو پوائنٹ اخبارتازہ ترین - اے پی پی۔ 20 اکتوبر2021ء) تھانہ ارمڑپولیس کا سرچ آپریشن کے دوران ملزمان کے ساتھ فائرنگ کا تبادلہ ہو ا جس سے ایک ملزم اپنے ہی ساتھی کی فائرنگ سے ہلاک ہوگیا ۔

(جاری ہے)

پولیس کے مطابق تھانہ ارمڑ پولیس کو فائرنگ کی اطلاع ملی جس پر پولیس ٹیم جائے وقوعہ پر پہنچی کہ ملزمان نے پولیس اور سکیورٹی فورسز ٹیم پر اندھا دھند فائرنگ شروع کر دی جس کے نتیجے میں ایک سکیورٹی اہلکار زخمی جبکہ ایک ملزم اپنے ہی ساتھیوں کی فائرنگ سے ہلاک ہو گیاہے جس کی شناخت ظفر کے نام سے ہوئی ہے پولیس کی جانب سے تفتیش شروع کرتے ہوئے ملوث ملزمان کی نشاندہی کی جا رہی ہے دوسری جانب واقعے کیخلاف علاقے کے لوگوں نے شدید احتجاج کرتے ہوئے تھانہ ارمڑ پردھاوابول کر سرکاری املا ک کونقصان پہنچایا ۔