مقامی عدالت نے ڈاکس تھانے کے ہاتھوں گرفتار گٹکا و ماوا فروش ملزم کو عدالتی ریمانڈ پر جیل بھیج دیا

جمعرات 21 اکتوبر 2021 15:00

کراچی(اُردو پوائنٹ اخبارتازہ ترین - این این آئی۔ 21 اکتوبر2021ء) مقامی عدالت نے ڈاکس تھانے کے ہاتھوں گرفتار گٹکا وماوا فروش ملزم کو عدالتی ریمانڈ پر جیل بھیج دیا۔ جمعرات کوجوڈیشل میجسٹریٹ غربی کی عدالت میں ڈاکس پولیس نے گٹکا و ماوا فروشوں کیخلاف کارروائی کے دوران گرفتار ملزم کو پیش کیا۔

(جاری ہے)

عدالت نے عبدالعزیز عرف ندیم کو عدالتی ریمانڈ پر جیل بھیج دیا۔ عدالت نے تفتیشی افسر سے آئندہ سماعت پر کیس کا چالان طلب کرلیا۔ پولیس کے مطابق ملزم کیخلاف گٹکا ماوا ایکٹ کے تحت مقدمہ درج کیا گیا ہے۔ ملزم کے قبضہ سے 60 پیکٹ گٹکا ماوا برآمد کرلیے۔ ملزم کیخلاف مقدمہ تھانہ ڈاکس میں درج کیا گیا۔