نائب وزیراعظم سینیٹر محمد اسحاق ڈار کی زیر صدارت گندم سے متعلق امور کی سٹیئرنگ کمیٹی کا اجلاس

جمعرات 13 اگست 2026 16:48

اسلام آباد (اُردو پوائنٹ اخبارتازہ ترین - اے پی پی۔ 13 اگست2026ء) نائب وزیراعظم اور وزیر خارجہ سینیٹر محمد اسحاق ڈار نے جمعرات کو یہاں گندم سے متعلق امور کی سٹیئرنگ کمیٹی کے اجلاس کی صدارت کی۔ نائب وزیراعظم آفس سے جاری بیان کے مطابق اجلاس میں صوبوں کی جانب سے پیش کردہ مطالبات کی روشنی میں گندم کی دستیابی اور ضروریات کا جائزہ لیا گیا۔

(جاری ہے)

کمیٹی نے ملکی ضروریات پوری کرنے، قیمتوں کے دبائو میں کمی لانے اور عوام کو ریلیف فراہم کرنے کے لیے 10 لاکھ ٹن گندم درآمد کرنے کے اپنے فیصلے کا اعادہ کیا۔

اجلاس میں وزیر برائے فوڈ سکیورٹی، وزیر تجارت، وزیراعظم کے معاون خصوصی طارق باجوہ، وزیر خوراک سندھ، چیف سیکرٹری پنجاب، قومی فوڈ سکیورٹی اور تجارت کے وفاقی سیکریٹریز، وزیراعظم کے قومی رابطہ کار برائے خوراک، متعلقہ وفاقی و صوبائی حکام اور ٹریڈنگ کارپوریشن آف پاکستان کے حکام نے شرکت کی۔