پاکستان آنے والے ناروے کے وزیر خارجہ نے اپنا سامان خود اٹھایا، سادگی نے توجہ حاصل کرلی

نہ سفارتخانے نے ریڈ کارپٹ بچھایا، نہ پروٹوکول لگوایا گیا اور نہ ہی درجنوں اہلکار استقبال کیلئے پھول لے کر کھڑے دکھائی دیئے

ساجد علی جمعرات 13 اگست 2026 17:26

پاکستان آنے والے ناروے کے وزیر خارجہ نے اپنا سامان خود اٹھایا، سادگی ..

اسلام آباد (اُردو پوائنٹ اخبارتازہ ترین۔ 13 اگست 2026ء) پاکستان کے دورے پر آنے والے ناروے کے وزیرخارجہ ایسپن بارتھ ایڈ کی ایک تصویر سوشل میڈیا پر تیزی سے وائرل ہو رہی ہے، جس میں انہیں ایئرپورٹ سے باہر اپنا سامان خود لاتے ہوئے دیکھا جا سکتا ہے، غیر معمولی طور پر سادہ انداز میں پاکستان پہنچنے والے ناروے کے وزیر خارجہ کی تصاویر نے سوشل میڈیا صارفین کی توجہ حاصل کرلی ہے۔

تفصیلات کے مطابق وائرل ہونے والی تصویر میں ناروے کے وزیر خارجہ ایسپن بارتھ ایڈ کو عام مسافر کی طرح اپنا سامان خود اٹھا کر ایئرپورٹ سے گزرتے دیکھا گیا، ان کے ہمراہ کسی بڑے پروٹوکول یا غیر معمولی سرکاری انتظامات کا منظر دکھائی نہیں دیتا۔

ناروے ترقی کیسے کر گیا؟
دورہ پاکستان کیلئے آنے والا وزیر خارجہ اپنا سامان خود اٹھا کر لا رہا ہے۔ نہ سفارتخانے والوں نے ریڈ کارپٹ بچھایا، نہ پروٹوکول لگوایا اور نہ ہی درجنوں اہلکار استقبال کیلئے پھول لے کر قطاروں میں کھڑے ہیں۔ pic.twitter.com/rjP5DoITzF
— Muhammad Zeeshan Awan (@surrakimuhammad) August 13, 2026

بتایا جارہا ہے کہ پاکستان کے دورے پر آنے والی اہم غیر ملکی شخصیات کے استقبال کے لیے عموماً ایئرپورٹ پر سرکاری حکام، سفارتی نمائندے اور دیگر متعلقہ شخصیات موجود ہوتی ہیں، تاہم ناروے کے وزیر خارجہ کے معاملے میں جس سادگی کی تصویر سامنے آئی۔

(جاری ہے)

علاوہ ازیں سوشل میڈیا پر ناروے کے وزیر خارجہ کی آمد کے حوالے سے سامنے آنے والی تصویر میں نہ سفارتخانے کی جانب سے کسی ریڈ کارپٹ کا اہتمام نظر آیا، نہ ہی درجنوں اہلکار پھول لیے استقبال کے لیے قطار میں کھڑے دکھائی دیے، اس کے برعکس وزیر خارجہ خود اپنا سامان اٹھاتے ہوئے نظر آئے، جسے سوشل میڈیا صارفین نے سادگی، خود انحصاری اور عہدے کے باوجود عام انداز اپنانے کی مثال قرار دیا۔