راشد خان نے بابراعظم سمیت مشکل ترین بلے بازوں کے نام بتا دیئے

بابراعظم ، کین ولیمسن اور کوہلی کے خلاف بولنگ کرتے ہوئے رنز روکنا بہت مشکل لگا: افغان لیگ سپنر

ذیشان مہتاب جمعہ 22 اکتوبر 2021 13:06

راشد خان نے بابراعظم سمیت مشکل ترین بلے بازوں کے نام بتا دیئے

دبئی (اردو پوائنٹ تازہ ترین اخبار ۔ 22 اکتوبر 2021ء ) افغانستان کے معروف لیگ سپنر راشد خان نے قومی ٹیم کے کپتان بابراعظم ، نیوزی لینڈ کے کین ولیمسن اور بھارت کے ویرات کوہلی کو خظرناک بیٹس مین قرار دے دیا۔ ایک انٹرویو میں راشد خان نے واضح کیا کہ ان تینوں بیٹرز کے خلاف بولنگ کرتے ہوئے رنز روکنا بہت مشکل لگا، انہیں بہت دیکھ بھال کر بائولنگ کرنا پڑتی ہے۔

یہ رنز بنانے کا کوئی بھی موقع ہاتھ سے جانے نہیں دیتے۔

(جاری ہے)

راشد خان نے کہا کہ دو قسم کے بیٹس مین ہوتےہیں، ایک وہ جو گیپ میں کھیل کر رنز بنانے کو ترجیح دیتے ہیں جب کہ دوسرے وہ ہیں جو ہر گیند پر چھکا لگانے کے خواہشمند ہوتے ہیں۔ گیپ میں کھیل کر رنز بنانے والے بلے بازوں کو روکنا کسی امتحان سےکم نہیں ہوتا ۔ راشد خان نے پاور ہٹرز کے طورپر کرس گیل، آندرے رسل، کیرون پولارڈ اور ہاردک پانڈیا کا نام لیا۔