وزیراعلیٰ بلوچستان جام کمال کی اپوزیشن میں بیٹھنے پر آمادگی

پی ڈی ایم ناراض ارکان کے ساتھ حکومت بناتی ہے تو ہم اپوزیشن میں بھی بیٹھنے کیلئےتیار ہیں۔ وزیراعلیٰ بلوچستان کا ٹویٹ

ساجد علی اتوار 24 اکتوبر 2021 12:39

وزیراعلیٰ بلوچستان جام کمال کی اپوزیشن میں بیٹھنے پر آمادگی

کوئٹہ ( اُردو پوائنٹ اخبارتازہ ترین ۔ 24 اکتوبر 2021ء ) وزیراعلیٰ بلوچستان جام کمال نے اپوزیشن میں بیٹھنے پر آمادگی ظاہر کردی۔ تفصیلات کے مطابق وزیراعلیٰ بلوچستان جام کمال نے تحریک عدم اعتماد پر اپوزیشن کے نمبر پورے ہونے کے بعد اپوزیشن میں بیٹھنے کا اشارہ دیتے ہوئے کہا ہے کہ پی ڈی ایم ناراض ارکان کے ساتھ حکومت بناتی ہے تو ہم اپوزیشن میں بھی بیٹھنے کیلئے تیار ہیں۔

سماجی رابطوں کی ویب سائٹ ٹوئٹر پر جاری کردہ اپنے ایک پیغام میں انہوں نے کہا کہ میں نے اپنا اختیار اپنی جماعت بی اے پی کے اراکین اور اتحادیوں کو دیا ہے ، موجودہ سیاسی منظر نامے میں اتحادی اور بی اے پی جو بہتر ہوگا وہ فیصلہ کریں گے۔

میں نے اپنا اختیار اپنے گروپ BAP کے اراکین اور اتحادیوں کو دیا. اتحادی اور بی اے پی موجودہ منظر نامے کے لئے جو بھی بہتر ہوگا، وہ فیصلہ ہوگا انشاءاللہ.

اور اگر پی ڈی ایم جیت جاتا ہے اور ناراض ممبر کے ساتھ حکومت بناتا ہے تو ہم اپوزیشن میں بھی بیٹھنے کو تیار ہیں۔
— Jam Kamal Khan (@jam_kamal) October 24, 2021

وزیراعلیٰ بلوچستان جام کمال نے کہا ہے کہ اقتدار کے بھوکے اپنا یہ شوق بھی پورا کر لیں لیکن اس کے بعد صوبے کو جو نقصان ہو گا اس کی ذمہ داری بی اے پی کے ناراض ارکان، پی ڈی ایم، پی ٹی آئی اور وفاق کے چند سمجھدار لوگوں پر آئے گی۔

(جاری ہے)

اقتدار اور لالچ کے بھوکے اپنا یہ شوق بھی پورا کرلیں. آنے والے جو بھی نقصانات اس صوبے کو اے اس کے ذمہ دار (ناراض گروپ )PDM, BAP, چند مافیا اور PTI اور BAP وفاقی چند سمجھدار اور ذمے دار لوگ ہونگے.
— Jam Kamal Khan (@jam_kamal) October 24, 2021

دوسری طرف سابق وزیراعلیٰ نواب ثنااللہ زہری نے کہا ہے کہ 40 ارکان جام کمال کیخلاف ہیں انہیں فوری مستعفی ہوجانا چاہیے، میرے خلاف عدم اعتماد کی تحریک آئی تو خاموش رہا، جام کمال ایک سردار ہیں اپنی عزت کا خیال کریں ، اسلام آباد میں مصروفیات کے باعث اسمبلی اجلاس میں شرکت نہیں کرسکا، پارٹی پالیسی کے مطابق ہمیں اپوزیشن کی حمایت جاری رکھے ہوئے ہیں، کہیں جانے والے نہیں، پارٹی احکامات کے پابند ہیں، پارٹی کہے گی جام صاحب کی حمایت کرو، حمایت کریں گے۔

قبل ازیں وزیراعلیٰ بلوچستان جام کمال کے خلاف عدم اعتماد کا معاملے پر اسپیکرعبدالقدوس بزنجو کی رہائشگاہ پر سابق وزیراعلیٰ نواب ثنااللہ زہری اور عبدالقادربلوچ نے ملاقات کی، جمعیت علمائے اسلام کے جنرل سیکریٹری مولانا عبدالغفور حیدری، مولانا عبدالواسع بھی ملاقات میں شریک ہوئے ، اسپیکرعبدالقدوس بزنجو، نواب ثنااللہ زہری اور دیگر نے مشترکہ پریس کانفرنس کی۔