Live Updates

بھارت کیخلاف ٹاکرے سے قبل گٹارسٹ حسن علی نے ’دل دل پاکستان‘ گایا

حسن علی نے گٹار بجا کر مشہور زمانہ ’دل دل پاکستان‘ نغمہ گایا

ذیشان مہتاب اتوار 24 اکتوبر 2021 13:06

بھارت کیخلاف ٹاکرے سے قبل گٹارسٹ حسن علی نے ’دل دل پاکستان‘ گایا

دبئی (اردو پوائنٹ تازہ ترین اخبار ۔ 24 اکتوبر 2021ء ) قومی ٹیم کے آل راؤنڈر حسن علی نے ٹی ٹونٹی ورلڈکپ میں بھارت کے خلاف بڑے میچ سے قبل مشہور زمانہ ملی نغمہ ’دل دل پاکستان‘گا کر سب کے دل جیت لیے ہیں ۔ ٹی ٹونٹی ورلڈ کپ میں آج پاکستان اور بھارت کی ٹیمیں مدمقابل ہوں گی، دنیائے کرکٹ کے سب سے بڑے مقابلے کے لیے جہاں دونوں ٹیموں کے کھلاڑیوں نے بھرپور تیاری کر رکھی ہے وہیں شائقین کرکٹ بھی اس میچ کا بے صبری سے انتظار کر رہے ہیں۔

قومی ٹیم کے آل راؤنڈر حسن علی ایک جانب گراؤنڈ میں اپنی کارکردگی اور اپنے خوشی منانے کے انداز سے تماشائیوں کو محظوظ کرتے ہیں اور دوسری طرف وہ گراؤنڈ کے باہر بھی ایک دلچسپ شخصیت کے مالک ہیں۔ اب بھارت کے خلاف بڑے میچ سے قبل آئی سی سی نے حسن علی کی ایک ویڈیو جاری کی ہے جس میں انہیں گٹار ہاتھ میں اٹھائے ملی نغمہ گاتے سنا جا سکتا ہے۔

(جاری ہے)

ویڈیو میں حسن علی کو پہلے یہ کہتے سنا جا سکتا ہے کہ مجھے گٹار بجانا نہیں آتا لیکن پھر وہ ’دل دل پاکستان‘ نغمہ گنگناتے ہیں اور ساتھ گٹار بھی بجاتے ہیں۔

آخر میں حسن علی کو ’اوئے میری انگلیاں ہرٹ ہوگئیں‘ کہتے بھی سنا جا سکتا ہے جبکہ وہاں موجود حفیظ سمیت دیگر افراد حسن علی کو اس پرفارمنس پر تالیاں بجا کر داد بھی دیتے ہیں۔

🎵 Play us a tune Hasan! 🎵

Hasan Ali puts his heart and soul into a rendition of 'Dil Dil Pakistan' ahead of tonight's blockbuster #T20WorldCup match against #India 🎤🎸https://t.co/f7ulxwmrt8
— ICC (@ICC) October 24, 2021