Live Updates

وزیراعظم کابینہ اراکین کو بلوچستان میں مداخلت سے روکیں، جام کمال کا مطالبہ

وفاقی کابینہ کے اراکین کو صوبائی امور میں مداخلت سے روکا جائے، بلوچستان میں پاکستان تحریک انصاف کو اپنا ذمہ دارانہ کردار ادا کرنے کا موقع دیں، جام کمال

دانش احمد انصاری اتوار 24 اکتوبر 2021 19:50

وزیراعظم کابینہ اراکین کو بلوچستان میں مداخلت سے روکیں، جام کمال کا ..

کوئٹہ (اُردو پوائنٹ، اخبار تازہ ترین، 24اکتوبر 2021) وفاقی کابینہ کے اراکین کو صوبائی امور میں مداخلت سے روکا جائے، بلوچستان میں پاکستان تحریک انصاف کو اپنا ذمہ دارانہ کردار ادا کرنے کا موقع دیں، وزیراعلیٰ بلوچستان کا وزیراعظم سے مطالبہ۔ تفصیلات کے مطابق وزیراعلیٰ بلوچستان جام کمال نے مطالبہ کیا ہے کہ وفاقی کابینہ کے اراکین کو صوبائی امور میں مداخلت سے روکا جائے۔

انہوں ںے یہ مطالبہ وزیراعظم عمران خان سے کیا ہے۔سماجی رابطے کی ویب سائٹ ’ٹوئٹر‘ پر جاری کردہ بیان میں وزیراعلیٰ بلوچستان جام کمال نے وزیراعظم عمران خان سے درخواست کی ہے کہ وہ وفاقی کابینہ کے اراکین کو بلوچستان کے امور میں مداخلت سے روکیں۔جام کمال نے اپنے بیان میں مداخلت کرنے والے وفاقی کابینہ کے ارکین سے کہا ہے کہ وہ بلوچستان میں پاکستان تحریک انصاف کو اپنا ذمہ دارانہ کردار ادا کرنے کا موقع دیں۔

(جاری ہے)

I would ask honorable Prime minister @ImranKhanPTI if he seriously tells some of his federal members not fiddle with #Balochistan internal matters and they should give spece to PTI provincial heiracy to play its responsibility and role.
— Jam Kamal Khan (@jam_kamal) October 24, 2021

وزیراعلیٰ بلوچستان جام کمال نے اپنے بیان کے ساتھ ابن العربی سے منسوب ایک پوسٹ بھی شیئر کی ہے اور ساتھ ہی لکھا ہے کہ یہ سیاسی تحریک بلوچستان اور پاکستان کی سیاست میں ایک نئے دور کا آغاز ہو گی۔انہوں نے مؤقف اختیار کیا ہے کہ گزشتہ دو ماہ میں بہت سی چیزیں کھل کر سامنے آئی ہیں۔ ان کا کہنا ہے کہ سیاسی نام نہاد اصول، لالچ، اقتدار کی ہوس، سازش کرنے والے اور بہت سے ہیرو اور ساکھ کے ساتھ تیز لوگوں کا مقابلہ کیا ہے۔

وزیراعلیٰ بلوچستان نے خبردار کرتے ہوئے کہا ہے کہ صوبائی ترقی میں نقصان کی ساری ذمہ داری پی ڈی ایم، پی ٹی آئی اور بی اے پی کے بعض سمجھدار وفاقی کابینہ، چند مافیا اور بی اے پی (ناراض گروپ) پر عائد ہوگی۔وزیراعلیٰ بلوچستان جام کمال نے وزیراعظم عمران خان کو بھی مشورہ دیا ہے کہ وہ اپنے اطراف میں موجود لوگوں پر نگاہ رکھیں۔واضح رہے کہ بلوچستان میں سیاسی بحران کے آثار سب سے پہلے رواں سال جون میں اس وقت نمایاں طور پر سامنے آئے تھے جب اپوزیشن اراکین نے صوبائی اسمبلی کی عمارت کے باہر کئی دنوں تک وزیراعلیٰ جام کمال کی صوبائی حکومت کے خلاف احتجاج کیا تھا۔