Live Updates

مین آف دی میچ ایوارڈ والدین کی سپورٹ کے بغیر ممکن نہ ہوپاتا: شاہین آفریدی

پاکستانیوں، یقین رکھنا ہے: پیسر کا ٹویٹر پیغام

ذیشان مہتاب پیر 25 اکتوبر 2021 01:13

مین آف دی میچ ایوارڈ والدین کی سپورٹ کے بغیر ممکن نہ ہوپاتا: شاہین آفریدی

لاہور (اردو پوائنٹ تازہ ترین اخبار ۔ 24 اکتوبر 2021ء ) قومی ٹیم کے فاسٹ بائولر شاہین آفریدی نے بھارت کیخلاف تاریخی جیت پر اظہار خیال کرتے ہوئے کہا کہ مین آف دی میچ حاصل کرنا والدین اور مداحوں کی سپورٹ کے بغیر ناممکن تھا ۔ اپنے ٹویٹر پیغام میں شاہین آفریدی نے لکھا کہ ’ الحمدللہ۔ یہ مین آف دی میچ میرے مداحوں اور خاندان کی محبت اور تعاون کے بغیر ممکن نہیں تھا۔

امی جی ، ابو جی اور بھائیوں کے لیے ان کی بے لوث دعاؤں اور بھروسے کی عوض بہت شکرگزار ہوں ۔ انہوں نے مزید لکھا کہ یقین رکھنا ہے پاکستان‘۔

Humbled, Alhumdulillah. This MoM was not possible without the love and support of my fans and family. Special shout to my ami ji, Abu ji and brothers for their selfless prayers and trust.

Yaqeen rakhna hai Pakistan. #TheEagle #PAKvIND #PakistanZindabad pic.twitter.com/1wOh0kdWU6
— Shaheen Afridi (@iShaheenAfridi) October 24, 2021

دوسری جانب پاکستان کرکٹ ٹیم کے سابق کپتان اور مایہ ناز آل راؤنڈ شاہد خان آفریدی نے بھارت کے خلاف شاندار فتح پر قومی ٹیم کے کھلاڑیوں کو خوب سراہا۔

(جاری ہے)

سماجی رابطے کی ویب سائٹ پر جاری بیان میں شاہد آفریدی نے انٹرنیشنل کرکٹ کونسل( آئی سی سی ) کے پیغام کو شیئر کیا۔

آئی سی سی نے اپنے ٹوئٹ میں شاہین شاہ آفریدی اور شاہد خان آفریدی کی ایک تصویر شیئر کی۔ آئی سی سی نے تصویر کے ساتھ اپنے پیغام میں لکھا کہ نام وہی، نمبر بھی وہی لیکن دور نیا ہے۔ اس پیغام پر اپنے ردعمل میں شاہد آفریدی نےدل کے ایموجی کے ساتھ لکھا کہ ’وہی ٹیم ( پاکستان)، وہی انداز جشن لیکن نتیجہ بالکل نیا، کھلاڑیوں بہت خوب ہے‘۔

Same celebration, same side, new result. Well done my boys 💚#PAKvIND #PakistanZindabad 🇵🇰#T20WorldCup https://t.co/xndLcPdNfS
— Shahid Afridi (@SAfridiOfficial) October 24, 2021