بلوچستان کی صوبائی کابینہ نے حلف اٹھا لیا،گورنر بلوچستان سید ظہور آغا نے 14رکنی کابینہ سے حلف لیا

،کوئٹہ (اُردو پوائنٹ اخبارتازہ ترین - آن لائن۔ 07 نومبر2021ء) بلوچستان کی صوبائی کابینہ میں شامل وزرا ء نے حلف اٹھا لیا۔ گورنر بلوچستان سید ظہور آغا نے نئی 14رکنی کابینہ سے حلف لیا۔ اس موقع پر وزیر اعلی بلوچستان میر عبدالقدوس بزنجو بھی موجود تھے۔ نومنتخب وزرا میں بلوچستان عوامی پارٹی کے میر ظہور احمد بلیدی، سردار صالح بھوتانی،حاجی نور محمد دمڑ، سردار عبد الرحمان کھیتران،حاجی اکبر آسکانی، میر سکندر علی عمرانی، حاجی محمد خان لہڑی، نوابزادہ طارق مگسی، بلوچستان نیشنل پارٹی عوامی کے میر اسد اللہ بلوچ، سید احسان شاہ، پاکستان تحریک انصاف کے نصیب اللہ مری، مبین خان خلجی،عوامی نیشنل پارٹی کے انجینئر زمرک خان اچکزئی،ہزارہ ڈیموکریٹک پارٹی کے عبدالخالق ہزارہ شامل ہیں۔

(جاری ہے)

تقریب حلف برداری میں وفاقی وزیر برائے دفاعی پیداوار زبیدہ جلال،ڈپٹی اسپیکر قومی اسمبلی محمد قاسم خان سوری، ارکان اسمبلی اصغر خان اچکزئی، ملک نعیم خان بازئی، نوابزادہ گہرام بگٹی، قادر علی نائل، اصغر علی ترین، میر یونس عزیز زہری، لالا رشید بلوچ، مکھی شام لعل، خلیل جارج، سینیٹر نصیب اللہ بازئی، چیف سیکرٹری بلوچستان مطہر نیاز رانا، آئی جی پولیس بلوچستان محمد طاہر رائے، صوبائی محتسب اعلی بلوچستان نذر محمد بلوچ، سیکرٹری ایس اینڈ جی اے ڈی محمد ہاشم غلزئی، وزیر اعلی کے پرنسپل سیکرٹری اسفندیار خان کاکڑ و دیگر بھی موجود تھے۔ ۔