پی ٹی آئی کی واحد حکومت ہے جو عوام کی بلاتفریق خدمت کرنے میں ہمہ وقت کوشاں ہے، شنیلاروتھ

منگل 18 جنوری 2022 17:15

لاہور(اردو پوائنٹ تازہ ترین اخبار ۔ 18 جنوری 2022ء) تحریک انصاف کی رکن قومی اسمبلی شنیلاروتھ نے این اے 136 کے مختلف علاقوں کا دورہ اور ترقیاتی منصوبوں کا افتتاح کیا۔

(جاری ہے)

افتتاحی تقریب سے شنیلاروتھ اور چوہدری خالد محمود گجر نے خطاب کرتے ہوئے کہاکہ غریب عوام کے مسائل حل کرنا پی ٹی آئی کی حکومت کی اولین ترجیح ہے،پی ٹی آئی کی واحد حکومت ہے جو عوام کی بلاتفریق خدمت کرنے میں ہمہ وقت کوشاں ہے، عوام کے مسائل حل اور انہیں ریلیف فراہم کرنے کے لئے حکومت تمام وسائل بروئے کار لارہی ہے۔

انہو ں نے کہا کہ پی ٹی آئی نے ساڑھے تین سالوں میں عوام کی ریکارڈ خدمت کی ہے، حکومت کی تین سالہ کارکردگی اپوزیشن کی کئی دہائیوں کی کارکردگی پر بھاری ہے، شنیلاروتھ اور خالد محمود گجر کا کارکنوں نے جگہ جگہ پرتباک استقبال کیا اور پھولوں کی پتیاں نچھاور کیں، حلقے کی عوام نے دیرینہ مسائل حل ہونے پر پی ٹی آئی قیادت کا شکریہ ادا کیا۔