فیصل آباد، ڈکیتی میں خاتون سے مبینہ زیادتی، ایس ایچ او معطل

ہفتہ 22 جنوری 2022 12:30

مکوآنہ (اُردو پوائنٹ اخبارتازہ ترین - این این آئی۔ 22 جنوری2022ء) فیصل آباد میں ڈکیتی کے دوران خاتون سے مبینہ زیادتی کے واقعے پر ایس ایچ او کو معطل کردیا گیا۔

(جاری ہے)

سی پی او فیصل غلام مبشر نے میڈیا سے گفتگو میں کہا کہ دوران ڈکیتی خاتون سے مبینہ زیادتی کے واقعے پر ایس ایچ او عمر سرفراز کو معطل کرکے چارج شیٹ کردیا ہے۔انہوں نے کہا کہ واقعے میں 7 ملزمان ملوث تھے، 4 کو گرفتارکرلیا ہے جبکہ دیگر ملزمان کی گرفتار کیلئے چھاپے مارے جارہے ہیں۔غلام مبشر نے مزید کہا کہ دوران ڈکیتی چھینی گئی گاڑی موٹروے سے برآمد ہوئی ہے جبکہ واقعے کی تحقیقات کیلئے انکوائری کمیٹی بنادی ہے۔