پی ٹی آئی کے سابق مرکزی سیکرٹری اطلاعات احمد جواد کی قیاد ت کے خلاف بے بنیاد الزام تراشی کرنے پر بنیاد ی پارٹی رکنیت ختم

ہفتہ 22 جنوری 2022 19:19

اسلام آباد۔22جنوری (اُردو پوائنٹ اخبارتازہ ترین - اے پی پی - اے پی پی ۔22 جنوری2022ء) :پاکستان تحریک انصاف کی قائمہ کمیٹی برائے نظم و احتساب نے پی ٹی آئی کے سابق مرکزی سیکرٹری اطلاعات احمد جواد کی قیاد ت کے خلاف بے بنیاد الزام تراشی کرنے پر بنیاد ی پارٹی رکنیت ختم کردی ۔

(جاری ہے)

ہفتہ کوپی ٹی آئی کی جانب سے جاری تفصیلات کے مطابق تحریک انصاف کی قائمہ کمیٹی برائے نظم و احتساب کی کارروائی کرتے ہوئے احمد جواد کی بنیادی پارٹی رکنیت ختم کرنے کا فیصلہ صادر کیا جبکہ احمد جواد کو صفائی کا موقع دیتے ہوئے 12 اور 19 جنوری کو اظہار وجوہ کے نوٹسزبھی جاری کئے گئے تھے۔

احمد جواد نے اپنی صفائی پیش کرنے کی بجائے الزامات کی نئی فہرست قائمہ کمیٹی برائے نظم و احتساب کو بھجوائی جس پرقائمہ کمیٹی برائے نظم و احتساب کی دو رکنی ذیلی کمیٹی نے تحریری فیصلہ جاری کر دیا ۔شواہد اور احمد جواد کے تحریری جواب کی روشنی میں انکی بنیادی جماعتی رکنیت کے خاتمے کا متفقہ فیصلہ سنا دیا گیا۔